Kaligii taliye Afawerki
reer Eretariya"Dawladda Sheikh sharif waxba kama Duwana
Dawladihii Hore Cidii Aqoonsatana kama Duwana iyadoo
Aqoonsatay Maamuladda Puntland iyo Somaliland".
(Asmara.
May 07, 2009 Ceegaag Online)
Kaligiitaliyaha reer
Ereteriya oo ku abaaka daray wixii Soomaali tartay
Madaxweyaha Wadanka Ereteria oo
kula Hadlayay Magaalada Asmara Warfidiyeenadda ayaa ka
hadlay Xaaladaha ka taagan
somalia
iyo waliba Muranka Siyaasadeed ee u dhexeeya Dawladiisa iyo
Dawladda somalia ee uu hogaamiyo Sheikh sharif sheikh axmed.
Esayes Afawerk Madaxweynaha Eritrea ayaa shaaca ka qaaaday
In dowladiisu wax shaqo ah ku lahayn Siyasadda Gudaha ee
Soomaaliya, islamarkaana ay doonayn inay fargeliyaan
arrimaha u gaarka ah Soomaaliya.
Madaxweynaha Eritrea waxa kale oo uu sheegay inay been tahay
Eedeymaha ay Dowladda Soomaaliya u soo jeedisay ee ahaa inay
Hub ku soo daabulayaan gudaha dalka Soomaaliya, wuxuuna
muujiyay in Eritrea aysan diyar u ahayn inay sii huriso
Mushkiladda Soomaaliya.
“Siyaasadeena ka mid ma ahan inaan arrimaha gudaha ee dalka
Soomaaliya aan faragelin ku samayno, hadafkeenu waa inaan
taageerno Soomaaliya meel kasta oo ay joogto, Soomaaliduna
waa inay wada shaqeeyaan oo ay wada hadlaan si dhibaatada
looga gudbo” ayuu yiri Madaxweynaha Eritrea Esayes Afawerk
oo dhinaca kale sheegay in dawladda Soomaaliya ay tahay mid
mari doonto waddadii ay mareen kuwii ka horreeyay.
Sidoo kale Esayes Afawerk Madaxweynaha Eritrea waxa uu
sheegay dowladii C/Qaasim inaysan sharci ku dhisnayn,
dowladii C/Laahi Yuusuf waxa uu sheegay inay martay Wadadii
Tii C/Qaasim, dawladdan cusubna waxa uu sheegay inuu arko
mid aan shacabka matalin, waa sida uu isaga hadalka u dhigee.
“Dal kasta oo Carbeed ama caalamkaba ee aqoonsi siiya
Dowladda Cusub ee Sheekh Shariif waxa uu la mid yahay isagoo
aqoonsaday maamulada Somaliland iyo Puntland, waxaana soo
jeedinaayaa inaan la aqoonsan Dowladda Cusub” ayuu yiri
Madaxweynaha Eritrea.
Marka la eego hadalka ka soo yeeray Madaxweynaha Ereteria
afawerki waxaa muqanaysa in Muran siyaasadeed xoog leh u
dhexeeyo labadda dawladood iyadoo maalinimaddi shalay ahay
shirar jaraa'id oo ay qabteen wasiiradda arrimaha dibadda
iyo warfaafinta somalia eedayn ba'an dusha ka saareen
dawlada ereteria ayna shegeen inay ashtako uga yihiin beesha
caalamka.
www.ceegaag.com
webmaster@ceegaag.com |
