Xisbiyadda Mucaaradka
Somaliland oo Baaq u jeediyay Riyaale isla markaana ka
hadlay Eedaymo layska Dhaafsaday Warbaahin.
(Hargaysa.
May 13, 2009 Ceegaag Online)
Xisbiyada Mucaaradka Ah Ee KULMIYE Iyo UCID, ayaa Madaxweyne
Rayaale ku eedeeyay in uu caadaystay xagal-daacinta iyo
fulin la’aanta go’aan kasta oo ay la galaan Xisbiyada
mucaaradka ahi, isla markaana waxa ay u soo jeediyeen in uu
dhaqan-geliyo qodobada ka khuseeya go’aankii Guddida
dhexdhexaadintu soo saareen.
Labada xisbi mucaarid waxa ay sidaa ku sheegeen war-saxaafadeed
wada-jir ah oo ay shalay ka soo saareen magaalada Hargeysa,
kaas oo ay ku wada saxeexnayeen Gudoomiyaha Xisbiga KULMIYE
Axmed Maxamed Maxamuud (Siillaanyo) iyo ku simaha
Guddoomiyaha Xisbiga UCID, ahna Gudoomiye Ku xigeenka
xisbigaas Aadan Maxamed Mire (Waqaf).
Sidoo kale waxay labada xisbi ee mucaaridka ahi war-saafadeedkoodan
si qoto-dheer ugaga hadleen heshiihyadii kala duwanaa ee ay
Madaxweyne Rayaale la galeen iyo halkii ay ku dambeeyeen,
iyagoo dhinaca kalena jawaabo kulul ka bixiyey eedaymihii
Madaxweyne Riyaale ugu soo jeediyay shirkiisii jaraa’id ee
uu dhawaan ku qabtay, kaas oo uu xisbiyada Mucaaridka ah ku
eedeeyay inaanay sharciga dalka u yaal si fiican u akhrisan.
War-saxaafadeedka Labada xisbi-mucaarid ee UCID iyo KULMIYE
ayaa wawaxaa ka dhex muuqday Qodobo aad ugu xaasaasisan
Siyaasadda.
Sida:
a) Dhinacyada khilaafku dhexmaray ay dhamaantood si rasmi ah
u wada saxeexaan.
b) Qodobada uu ka kooban yahay go’aanka guddidu qodob qodob
looga wada hadlo farsamo ahaan, loona dhaqan geliyo.
Sidoo kale warsaxaafadeedkan Laga soo saaray Magaaladda
Hargaysa aya lagu sheegay in madaxweynuhu uu eed dusha u
ritay iyadoo lagu Qoto dheereyay Saddex qodob:-
Heshiiskii 24/01/2004 ee gobolada bari (Sanaag bari
iyo Sool), ee ay wada galeen xisbiyada mucaaradka,
xukuumadu, iyo golayaasha sharci-dejinta laguna
go’aamiyey in guddi qaran la sameeyo (Madaxweynahana
ayaa ka baxay).
Nov 7th 2004, oo isna gobolada bari khuseeyey, ayna wada
galeen Madaxweynaha, saddexda xisbi qaran, iyo
Gudoomiyaha Guurtida, laguna heshiiyey inuu Madaxweynuhu
soo magacaabo guddi heer qaran ah, oo uu ka baxay.
Markay labadaas hore hir-geli waayeen, ayaa hadana 2005
kii, guddidii Madaxweyne ku-xigeenku madaxda ka ahaa iyo
xubno golaha wasiirada ah loo magacaabay gobolada bari,
laguna heshiiyey in xisbiyaduna ka qayb qaataan, kadibna
waxaa ka baxay M/weynaha.
Isku soo wada duubo marka la eego Xamaasadda Siyaasadeed
ee ka taagan Somaliland waxay u muuqataa in uu jiro
isqabqabsiyo iyo handadaadyo saxaafadda layska
waydaarsaniyadoo uu jiray Guddi Dhexdhexaadineed oo isagu
isku dayay u kala Dab qaadi lahaa Kooxaha isku murgiyay
siyasadda iyo Tartanka Doorashadda Madaxweyne nimo ee
Maamulka Somaliland.
www.ceegaag.com
webmaster@ceegaag.com |
