|
Dagaal ooge Cabdi Xasan
Cawaale (Qeybdiid) oo Puntland soo gaaray.
(Gaalkacayo, Nov
03,
2009 Ceegaag Online)
Taliyaha Ciidamadda
Biliiska DKMG ah ee Soomaliya Gen:Cabdi Xasan Cawaale
Qaybdiid ayaa Galabta soo gaaray Magaaladda Gaalkacyo ee
Gobolka Mudug Puntland Somalia,Cabdi qaybdiid waxaa
Safarkiisa ku weheliyay Masuuliyiin ka tirsan Xukuumadda
Soomaaliya ee Fadhyigeedu yahay Magaaladda
Muqdisho,Masuuliyiin ka socota Puntland ayaa ku soo
dhaweeyay Garoonka Cabdi qaybdiid waxaana uu u hoyanayaa
Caawa Hotel Taar city ee Waqooyiga Magaaladda Gaalkacyo.
Markii uu garoonka soo gaaray ayuu saxaafadda
u waramay isagoo sheegay in ciidamada Booliska Dawladda
Somalia uu Tababar usoo xirayo , kuwaasi oo tababar
Dhawaanahan uga socday Degmada Carmo ee gobalka Bari
Puntland, Balse Cabdiqaybdiid ayaa Mahad balaaran u jeediyay
Shacabka Reer Puntland ee Nabadda Jecel.
Jeneraalka ayaa shaaciyey in ay dawladda Soomaaliya ay
Dadaal ugu jirto Dib dhis xoog leh oo lugu sameeyo ciidamada
Booliska Soomaaliyeed, isagoo cadeeyey in ay hada wadaan
tababaro kala duwan, wuxuuna sheegay in ay ka faa'iidaysan
doonaan nabadgalyada Puntland ka jirto, oo ay ku tababaran
doonaan ciidamada Booliska Soomaaliyeed.
Warar aanu ka helayno Gaalkacyo ayaa sheegaya inuu Caawa oo
kaliya joogi doono Gaalkacyo isagoo hadda kulamo la leh
Masuuliyiin ka socota Galmudug iyo Puntland oo Gaalkacyo ka
wada Taliya,Cabdi qabydiid ayaa Berito usoo kicitimaya
Magaaladda Garoowe halkaasi oo uu kulan kula yeelan doono
Masuuliyiin sarsare oo ka tirsan Maamulka Madaxweyne Faroole
isagoona usii gudbi doona Dhankaa iyo Boosaaso si uu
Tababarka ugu soo Gabagabeeyo Ciidamadda Biliiska ee
Puntland u tababarayso DKMG ah ee Soomalia.
Si kastaba ha noqotee Xiriirka DKMG ah ee
somalia iyo Puntland ayaa wanaagsanayn tan iyo wixii ka
dambeeyay Doorashadi Madaxweyne Sharif oo hadda Majaraha u
haya Dawladda ay Dagaalka adag kala soo horjeedaan Xoogaga
Islaamiyiinta ah walaw ay Taageero xoogan DKMG ah ka haysato
Maraykanka iyo Beesha Caalamka.
www.ceegaag.com
webmaster@ceegaag.com |
