|
Somaliland oo Yeelatay Guddi
cusub oo Hogaamiya Doorashooyinka Dhacaya Bisha soo socota.
(Hargeysa, Nov
04,
2009 Ceegaag Online)
Muran iyo Isqabqabsi Doorasho ayaa ka jiray Somaliland
Bilihii aanu soo dhaafnay,Hase ahaate waxaasi oo dhan way
Dhamaadeen Markii ay Dhinacyada Siyaasadu isla Garteen inay
Dantooda aqoonsadaan oo ay ilaashadaan Nabadda ay haystaan
Mudada 20ka sano ah oo Koonfurta Somaliyana ay
Ololayso,Wadahadalo Dheer ka dib oo waxaa Saddexda Xisbi ee
ka jira Somaliland isla Garteen in dib loo eego waxa
Dhaliyay Khilaafaadka Doorasho ee Rabshadaha Dhaliyay ee ka
dhacay Gobolka Bil ka hor,Inkastoo ay jireen Amuuro waaweyn
ayaa hadana waxaa la isla gartay in La bedelo Comisionka
Doorashooyinka Somaliland si loo helo Doorasho Xaalal ah.
Guddi cusub oo ka kooban 8 xubnood ayaa ay si wadajir ah
usoo dhiseen Xisbiyadda UDUB,KULMIYE iyo UCID,Xaflad
Balaaran ayaa ka dhacday Hotel Mansuur ee Magaaladda
Hargeysa taasi oo ay ka soo qaybgaleen Masuuliyiinta
Xisbiyadda iyo Marti sharaf kale,Gudoomiye waxaa looga
Dhigay Guddiga cusub ee Doorashooyinka Somaliland Ciise
Maxamuud Yuusuf(Xamari) waxaana ay Guddigani la wareegeen
Gaadiidka lagu Qaban lahaa Doorashooyinka Maamulka
Somaliland iyo wixii Dakhli ahaa ee kale ee ay u isticmaali
lahaayen Doorashooyinka Madaxtinimo ee la filayo inay ka
dhacaan Gobolkaasi Bisha Fooda inagu soo haysa.
Hase ahaate Lacag gaaraysa Nusmalyuun Dollar(0.5 M) ayaa la
sheegay inay ku maqantahay Guddigii hore ee Doorashooyinka
Somaliland,Gudoomiyaha Cusub ee Komishanka Doorashooyinka
Somaliland Ciise Xamari ayaa ka waramay Shaqada Guddiga
cusub iyo Doorka Doorashooyinka Gobolka "xilwareejintii
waxaanu komishankii hore kala wareegnay wixii agab hoos
yaalay gaadiidkii iyo dhamaan agabkii doorashooyinka iyo
diiwaangelinta, natiijaooyinkii doorashooyinkii hore, wixii
xisaabaad deyn ah lamaanu wareegin sababtuna waxay tahay is
la maanu meel dhigin. Waxa kale oo aan idiin dheegayaa
komishanka xilka nagu wareejinaya hada, runtii waxay la
kulmeen hawl aad u adag oo culus oo ka culus hawshii
komishankii ka horeeyay, hawshaasi waxay ahayd tii
diiwaangelintii oo aad u cuslayd".
Si kastaba ha noqotee Waxay u muuqata Inay Dantay Xiisadi
Siyaasadeed ee ka jirtay Somaliland Bil ka hor taasi oo
qarka u istaajisay Somaliland inay ka bilaabmaan Dagaalo
Qabaa'il ku salaysan oo Somalia Maanta la daala dhacayso.
www.ceegaag.com
webmaster@ceegaag.com |
