|
Al-shabaab oo la wareegay
Gacan ku haynta Magaaladda Kismaayo ee Gobolka J/hoose.
(Kismaayo,
October 01, 2009 Ceegaag Online)
Halkaan ka
dhagayso Afhayeenka Al-shabaab Sheikh Cali dheere oo ka
waramaya Natiijadda Dagaalki Kismaayo
 :
Wararkii ugu
Dambeeyay ee aan ka helayno Magaaladda Kismaayo ee Gobolka
J/hoose ayaa sheegayaa in Maanta Dagaalki ka dhacay
Magaaladda ay ku dhinteen ku dhawaad 20 qof halka ay sidoo
kale ku dhaawacmeen Dad gaaraya 60,Khasaaraha ka dhashay
Dagaalka ayaa u badan Dhinacyadda ay Dirirtu dhexmaraysay
waxaana Dad goob joogayaal ah oo ku sugan Magaaladda
Kismaayo ayaa noo sheegay in Magaaladda oo idil ay badi
hadda gacanta ku hayaan Ururka Mayalka adag ee Al-shabaab.
Dagaalka oo Aroornimadii hore ee Saaka ka bilowday Magaalada
Dhankeeda Galbeed Gaar ahaan Xaafada Via Afmadow ayaa
Saameeyey Qeybo kamid ah Xaafadaha Magaalada Kismaayo ,Dad
badan ayaa isaga Cararay Dagaalada ka socdo Magaalada kuwaas
oo u Barakacay Deegaanada ku dhaw dhaw Magaalada Kismaayo.
Dagaalka ayaa qaboobay Duhuradii Maanta kadib Markii
Ciidamadii uu watay Sh Axmed Madoobe ee Dagaalka lagalay
kuwa Maamulka Islaamiga ah ee Magaalada Kismaayo ay Dib ugu
gurteen Daafaha Magaalada Kismaayo iyagoona lasheegay inay u
baxeen dhanka xaafada Siinay ee Magaalada ,Xaalada Magaalada
ayaa haatan Degan waxaana Isbitaalka Magaalada Kismaayo la
soo gaarsiinayaa Dhaawacyadii ku xanibmay Dagaalka iyadoona
uu iminka Cusbitaalku la liicliicayo Dhaawacyada ku
waxyeeloobay Dagaalka.
Marka taasi laga soo tago taasi A-shabaab ayaa ka hadlay
Dagaaladda ka socda Magaaladda Kismaayo ee Gobolka J/hoose
iyadoona Shir jaraa'id oo uu Qabtay Afhayeenka Shabaab
sheikh cali dheere ku sheegay in Dagaalku aanu u dhaxayn
Hizbul Islaam iyo Alshabaab ee ay la diririyaan kuwo Dano
gaar ah leh waa sida uu hadalka u dhigaye "Dagaalkani
Mujaahidiinta Dhexdooda uma dhexeeyo uma dhexeeyo Garabyada
Jihaadka kuwada jira… Dagaalkain uma dhexeeyo Xisbul Islaam
iyo Al-Shabaab umana dhexeyn doono mana Dagaali doono idinka
Alle S.W".
Cali dheere oo sii wata Hadalkiisa ayaa yiri Markale"waxaanu
rabnaa in aan Shacabka Muslimka ah ee runtii lafdhabarka u
ahaa oogida iyo hirgalinta Shareecada Islaamka Garabna siin
jiray Mujaahidiinta iyo Maamulkaa Islaamiga ah inaan u
cadeyno in Dagaaka ka jiro Maanta Magaalada Kismaayo uu
yahay Dagaal Wilaayada Islaamiga ah ee Sanadjirsatay lagu
Difaacayo".
www.ceegaag.com
webmaster@ceegaag.com |
