|
10 Million oo qof oo ku
barakacay Gudaha Bariga iyo Bartamaha Africa.
(Bariga iyo bartamaha
Afrika, Oct
28,
2009 Ceegaag Online)
Dad gaaraya Maaliyiin qof ayaa ka barakacay
Gudaha Bariga iyo Bartamaha Qaaradda Africa bilihi ugu
Dambeeyay sida ay Maanta oo Talaado ah qortay Wakaaladda
Wararka ee Reuters"6-Bilood ee ugu Dambeeyay Dad gaaraya 10
million ayaa ka cararay Guryohooda Khilaafaad siyaasadeed oo
ka jira Gobolka Awgeed,Mana awoodaan Dadkaasi inay Dabiraan
Nafsadooda Muddoyin aad u badan" ayaa lagu yiri Warbixin ka
soo baxday Xafiiska Qaramadda Midoobay u qaabilsan Isku
dubaridka Hawlaha Bani'aadanimo ee OCHA.
Intii u dhaxaysay Bilihi March iyo September
ee Sanadkaan Dad gaaraya 1.08 million ayaa ka barakacay
Toban Dal oo ku yaala Gobolka Bariga iyo Bartamaha
Africa,Dadkuna
Gudaha ayay ku barakeceen sida lagu sheegay Warbixinta
OCHA,Inkastoo isku darka Tiradda Barakacayasha ee Gobolka
noqonayaan 10.18 million.Rabshadaha ka taagan Koonfurta iyo
Bartamaha Somalia,Bariga Jamhuuriyadda Dimuqraadiga ah ee
Congo,Afgambigii
Military ee ka dhacay Gini iyo Rabshadaha Goboladda Chad iyo
Darfuur ayaa Tirada Dadkaasi ku barakeceen Lixdii Bilood ee
ugu Dambaysay.
"Qiyaasti 250,000 oo qof ayaa ka barakacay
Magaaladda Caasimadda ah ee Muqdisho Sababao la xiriira
Dagaaladda u dhexeeya Mucaaradka Islaamiyiinta ah iyo
Dawladda KMG ah ee Somalia" ayaa uu yiri Maanta Afhayeen u
hadlay Barnaamijka Qaramadda Midoobay u qaabilsan Isku duba
ridka Hawlaha Bani'aadanimo Elisabeth Byrs."Jamhuuriyadda
Dimuqraadiga ah ee Congona in ka badan 779,000 oo xeryo
Qaxooti ah(IDPS) ayaa ka samaysmay tan iyo Lixdii bilood ee
ugu Dambeeyay gaar ahaan Rabshadihi ka dhacay Goboladda
Nord-Kivu iyo Sud-Kivu".
Si Kastaba ha noqote Warbixinta Hay'adda OCHA
ayaa sheegtay in Wadamadda Chad,
Kenya,
Sudan
iyo Tanzania ay ku jiraan Tiradda ugu Badan ee Qaxootiga ka
talaaba Xuduudaha Bariga iyo Bartamaha Africa.
www.ceegaag.com
webmaster@ceegaag.com |
