Qarax ka dhacay Jaamacadda Islaamiga ah ee
Islamabad:-
Daawo
Qarax wayn ayaa
Galabta ka dhacay Jaamacadda Islaamiga ah ee Islamabad
markii Qof naftii hure ah uu isku dhex qarxiyay irida Hore
ee Kuliyadda shareecadda ah ee Jaamacadda Islamabad, Qarax
kale ayaa isna ka dhacay Goob meherad ah oo u dhaw
Jaamacadda,3:15PM ayaa Qaraxa hore dhacay wuxuuna ka dhacay
Makhaayad ku ay wax ka cunaan Gabdhaha Jaamacadda wax ka
barta halka Qaraxi kalena uu si degdega uga Dhacay Gudaha
Jaamacadda inkastoo Booliisku ilaa hadda xaqiijiyeen inay ku
dhinteen 4 qof.
Dhaawaci iyo Maydkii ku waxyeeloobay
Qaraxaasi ayaa la geeyay Cusbitaal ku yaala Magaaladda
Caasimadda ah ee Islamabad,Waxaana ilaa hadda la garanayn
cida sida dhabta ah uga Dambaysay Qaraxan loo gaystay
Jaamacadda Islamabad Maadaama Jaamacadu tahay meel ay wax ka
bartaan in kabadan 10,000 oo arday oo ka kala yimid 52
wadan,Ardayda Africanka iyo Shiineyska ah ayaa ugu Badan
Ardayda wax ka barata Jaamacadda Islamad ee galabta Qaraxu
ka dhacay.
Jaamacadda International Islamic University
(Islamabad University) ayaa waxaa wax ka barta in ka badan
300 oo arday oo
Somali
ah,Balse wali ma jiro war sheegaya in Somali ku wax
yeeloobeen Qaraxi Galabta,2000 oo Arday soomaaliyeed ah ayaa
wax ka barta Jaamacadaha Dalka
Pakistan.
Doorasho mar labaad ka dhacaysa
Afghanistan:-
Madaxweyne
Hamid Karzai ayaa ogolaaday in Dib loo Qabto wareeg
Labaad oo Doorasho,Arrintaani ayaa timid Markii Maalinimadii
shalay aheyd Guddiga Doorashada shaaciyeen in Madaxweynaha
Afghaanistaan uu helay tiro ka yar intii looga baahnaa inuu
guul ku gaaro mar labaad inuu xilka qabto ayadoo la sheegay
in musuq maasuq xoogan uu doorashada hareeyey inkastoo
Guddigu horay u sheegeen inuu Madaxweyne Karzai helay 50%
codadkii La tiriyay.
Madaxweynaha iyo hogaamiyaha kasoo horjeeda
ee Dr.Abdullah Abdullah ayaa isku afgaran waayey sidii ay u
dhisi lahaayeen dowlada labada dhinac ah, taasi oo keenaysa
in markale dib loo galo doorashada ,Dhex dhexaadinta ayey ka
qeyb qaadanayeen wafdi ka socda Maraykanka oo uu hogaaminayo
Senator John Kerry.Dowlada Afghaanistaan ayaa maalmihii
lasoo dhaafay culeys weyn oo dhanka dibada ah lagu saaray
inuu aqbalo in doorashada dib loogu noqdo, kadib markii ay
soo baxeen in codod badan lagu shubtay wareegii hore, isla
markaana guddiga doorashada uu ka dhawaajiyey inay jirtay
musuq maasuq keeni kara in tirada codadka uu shaki ku jiro.
Muranka Doorasho ayaa soo bilaabmay wixii ka
Dambeeyay Shaacintii Natiijadi Hordhaca ahayd ee
Codbixiyayaasha 20kii bishii August iyadoona ay u muuqato in
ninka ka soo horjeeda Madaxweyne Karzai ku adkaysanayo inuu
isagu guuleystay,Madaxweyne Obama,RW Gorden Brown iyo
Bankimoon ayaa Caawa fiidki si wadajir ah u soo dhaweeyay
Ogolaanshaha Madaxweyne Hamid Karzai in 7 Nov dib loo Qabto
Doorasho kale.
