|
Gudoomiyaha
Barlamaanka S/land oo ku baaqay Mudaharaad looga soo
horjeedo M/weyne Riyaale.
(Hargeysa,
September 09, 2009 Ceegaag Online)
Iyadoo
maalinimadi ay Ciidamo ka tirsan
Somaliland
la wareegen xarunti Fadhiga Golaha wakiiladda Somaliland
ayaa waxaa maanta shir jaraa'id qabtay Gudoomiyaha Golaha
wakiiladda Somaliland C/raxmaan Maxamed Cabdulahi (Cirro) oo
ka warbixiyay ugu horayntii sidii shalay ay wax u dheceen "Waxaan
shacabka reer Somaliland la socodsiinayaa dhacdadii
tiiraanyada lahayd ee [shalay] ciidanku ku xidhay
golayaashii sharci-dejinta, waxaanna jiray kulan caadi ah oo
Golaha ka socday oo noo muddaysnaa in La-taliyaha sharcigu
akhriyo talo soo jeedintiisii ku saabsanayd labada mooshin,
Si wanaagsan ayuu goluhu u furmay, waxaananu iclaaminey
markuu hadalka dhammeeyo in aannu hadalka laba xildhibaan
siino oo ka kala socda mudanayaashii soo saxeexay labada
mooshin, haseyeeshee markii uu akhriyey La-taliyuhu
mooshinkii hore ee maamuus-kaxayuubinta Madaxweynaha iyo
Madaxweyne-ku-xigeenku waxay bilaabeen mudanayaashu ka soo
horjeeday maamuus-ka-yuubinta waxay bilaabeen qaylo,
dabadeedna waxa dhacday xildhibaan ka soo horjeeday
mooshinkaas inuu la soo baxay baastoolad, dabadeedatana buuq
ayaa dhacay fadhigiina waannu xidhnay, waxaannu u muddaynay
inuu Sabtida dib u furi doono goluhu".
Gudoomiye
Cirro oo hadalkiisa sii wata ayaa ka hadlay habkii Ciidamadu
gudaha ugu soo galeen Xarunta Golaha wakiiladda ee
Magaaladda Hargeysa "In yar kadib waxa soo galay ciidamo
boolis ah oo sidaad ka warqabteen beryahanba ku waageernaa
xayndaabka golaha oo qorshahay sugayeenna ahaa kaa maanta [shalay]
dhacay oo ah in golaha la xidho oo awooddii qaranku isugu
ururto fulinta, awooddaa la isticmaalayaana waa tii qaranka,
cid keliya oo gaar u isticmaali kartaana ma jirto, awood
kasta oo la isticmaalana karaamada shacabka ayaa ka weyn,
waxay doonayaan ayaa ka weyn".
Mr C/raxmaan
cirro ayaa baaq u diray Shacabka reer Somaliland "Waxaannu u
sheegaynayaa ummadda reer Somaliland golihii ay soo doorteen
in maanta albaabada loo xidhay, Guurtidiina lagu daray,
waxaannu qabnaa oo aannu u soo jeedinaynaa shacabka reer
Somaliland in maanta la laalaabay rajo kasta iyo hannaan
kasta oo dimoqraadiyadeed oo ka jiray Somaliland, rajo kasta
oo laga qabay doorasho, xukunkii oo maanta isku beddelay
keligii taliye. Shacabka reer Somaliland waxaannu ugu
baaqaynaa xaq, inay la dagaallamaan xaq-darrada, waxaannu
jecelnahay inuu goluhu shaqeeyo oo shaqadiisii caadiga ahayd
qabsado.
Marka
taasi laga soo tago shalay ayaa intii lagu jiray Fadhigi
buuqa iyo sawaxanku ka dhashay ayaa waxaa la sheegay in
labba xildhibaan isku farasaareen Madashi ay fadhiyen Goluhu
hadaba Saxaafada ayaa maanta Magaaladda hargeysa ku
waydiisay Gud:cirro intii uu ku shiray Shirkiisa jaraa'id
labadi Xildhiban ee isfarasaaray inuu faahfaahin ka bixiyo
wuxuuna kaga jawaabay "Mudanaha golaha dhexdiisa bastoolada
kula soo baxay ee madasha khalkhaliyey waa xildhibaan
Cabdiraxmaan Maxamed Jaamac (Aw Xoog) oo ka mid ah
mudanayaasha UDUB ee mar walba golaha qasa ,Annagu awood uma
lihin baadhista mudanayaasha, laakiin madaxda ciidammada
ammaanka waxaannu ku amarnay inay xildhibaannada hub ka
baadhaan, balse waxay si cad noogu sheegeen in aanay xaq u
lahayn baadhitaanka mudanayaasha, arrintaasina waa ta
keentay falkii shalay... inkastoo aan wax khasaare ah ka
dhalan, haddana waxay u muuqatay qorshe loogu talogalay oo
la doonayey in xidhitaanka golaha marmarsiiyo looga dhigto".
Balse
Gabagabadi Hadalkiisa ayaa C/raxmaan cirro waxaa uu ugu
baaqay Shacabka inay Banaanbaxyo dhigaan kaasi oo ay
dareenkooda kaga muujinayaan Talaabadda ay Dawladdu ku
xirtay Fadhigi Golaha Baarlamaanka Somaliland.
www.ceegaag.com
webmaster@ceegaag.com |
