|
Faahfaahin ku
saabsan Diyaarado lagu hayo Magaaladda Gaalkacyo.
(Gaalkacyo,
September 08, 2009 Ceegaag Online)
Maamulka
Puntland ayaa gacanta ku dhigay Maalinkii
shalay laba diyaaradood oo burcadbadeed tiradoodu gaarayso
23-qof geeyay degmada Garacad ee Gobolka Mudug, kana soo
qaaday halkaas muwaadiniin u dhashay dalka Schycles.
Diyaaradahan
oo laga leeyahay dalka Kenya ayaa markii hore sheegay inay
wadaan gargaar aadamnimo, laakiinse markii danbe lagu
ogaaday inay ku lug lahaayeen howlo la xirrira Burcad
badeeda Wararka aan ka helayno Gaalkacyo ayaa tibaaxaya in
Mid ka mida Diyaaradahan ay Puntland Qabatay uu leeyahay
Ganacsadaha Caanka Jaamac Buluug.
Marka taasi
laga soo tago , Wasiirka Deegaanka iyo Biyaha Dowlada
Siishalis ayaa sheegay Maanta oo Talaado ah inay wada hadal
kula jiraan Mas'uuliyiinta Maamulka Puntland ee Soomaaliya
sidii loo sii deyn lahaa 3 muwadiniin oo dalkaasi u dhalatay,
5 qofood oo Kenyaati ah, iyo labo qofood oo u kala dhashay
Dalalka Ingriiska iyo Australia kuwaas oo saaran Diyaaradaha
Puntland ku hayso Gaalkacyo.
Dowlada
Siishalis waxay horey warbaahinta ugu sheegtay inay kooxo
burcad badeed ah oo ay hayso kuwaasoo ka badan ilaa 23 inay
ku badalanayso 3 muwaadiniinta dalkeeda ka mid ah oo ay
haystaan kooxaha burcad badeeda taasina waxay ka dhabeeyeen
axadii markii Deegaanka Garacad ay ka dejiyeen burcad
badeedii ay hayeen kadibna ay halkaasi ka soo kaxeysteen
3-dii dalkeeda u dhalatay balse nasiib xumo diyaaradaha oo
la sheegay inay shidaalkii goosteen ayaa si lama filaan ah
uga degtay Magaalada Gaalkacyo halkaasoo Ciidamada Puntland
ku qabteen islamarkana ay xabsiga u taxaabeen.
Dhanka kale
Dawladda Puntland ayaa shaacisay in ay diyaaradahan wateen
dad sharci daro ku soo galay Deegaanada Puntland, isla
markaasna ay ku jiraan dadka naas-nuujiya Kooxaha burcad
Badeeda Soomaalida ah ee lacagaha uga keena dalalka aduunka
ee ay ka qabsadeen Maraakiibta iyo Shaqaalaha Saaran.
Xukuumada
ayaa sheegtay in ay maxkamad horkeenayso dhamaanba dadka
saaran diyaaradahan oo ay tiradooda ku sheegtay 10 qof, oo
iskugu jira Laheystayaashii lasoo qaaday, Duuliyaashii
dayuuradahan, Dulaaliintii burcadda iyo dowladdaha wada
hadalsiiya iyo Shaqaalaha diyaaradaha, waxaana dhamaantoodba
ay sheegtay Puntland in ay sharciga marin doonto.
Puntland ayaa
sheegtay in Duuliyayaasha lugu heysto inay dambi ka galeen
Gobolka isla markaasna ay Diyaarad ka dajiyeen Meel aan
garoon ahayn oo aysan Ogayn Puntland iyo soo qaadida dad ku
jira dambiyo waa weyn oo ay ku jiraan Burcad-Badeednimo iyo
qodobo kale oo khuseeya hawada Puntland, waxaana la horgeyn
doonaa Maxkamad.
Maamulka
Puntland ayaa sidoo kale sheegtay in Dulaalayaasha lagu
haysto Dambi aad u wayn marka la eego kuwa kale maadaama ay
masuul ka yihiin Badashadda Burcad badeeda Soomaalida,
waxaana Puntland ku eedaysay Dadkaasi inay ka dambi
badanyihiin Burcad badeeda.
Isku
soo wadda Duubo Xaajadda Diyaaradaha ayaan la ogayn halka ay
caga dhigandoonto maadaama ay Puntland ku adkaysanayso
Maxkamadaynta shaqaalaha saaran ayna Diyaaradihi Wali
fadhiyaan Gegiga Dayuuradaha Magaaladda Gaalkacyo Waxaase
xusid mudan in ay tahay markii ugu horaysay ee arrintaani oo
kale ka dhacdo Geyiga Puntland
www.ceegaag.com
webmaster@ceegaag.com |
