|
Guddiga
Doorashooyinka Maamulka Somaliland oo hakiyay wakhtigi ay
Qabsoomi lahayd Doorashooyinka.
(Hargeysa,
September 07, 2009 Ceegaag Online)
Guddiga
Doorashooyinka Maamulka Somaliland ayaa maanta sheegay inay
Go'aansadeen inay hakiyeen wakhtigi Ay qabsoomi lahayd
Doorashoyinki Madaxtinimadda maadama bay dheheen aanay
Suurtogal ahayn in Doorashadda Madaxtinimadda Maamulka
Somaliland la qabto Sept 27, 2009 ,Shirkan ay Guddigu
doorashada Maamulka Somaliland ku go'aamiyen Dib u dhaca
Doorashooyinka ayaa ay u wada Dhaamayen 7 xubnood ee
Gudigaasi ka koobanyahay waxayna soo saareen Go'aamadan:-
1- In laga
noqday go’aankii ahaa diwaangelin la’aan in doorashooyinka
lagu galo taas oo ay hore u ansixiyeen afar xubnood oo ka
mid ah komiishanka doorashooyinka, madaxweynuhuna uu
taageeray.
2 -Inaanay
Suurtagal ahayn qabashada doorashooyinkii xiligii loo
mudeeyey oo ku beegnayd 27 September 2009, iyaga oo sheegay
inay ka eegeen dhinacyada Farsamado ee Siyaasada, iyo
dhaqaalahaba.
3 -Inay
Fursad siiyaan waan-waanta socota ee dib-u-heshiisiinta
Xisbiyada Inay ka dhursugaan heshiis ay u dhan yihiin
sadexda Xisbi qaran oo lagu mudeeyo xiliga ay doorashadu
suurtagal noqon karto iyo qaabka lagu gelayo.
Ugu
danbeyntii waxay xubnaha komiishanku ugu baaqeen Xisbiyada,
Golayaasha xeer-dejinta iyo Xukuumada in dalka dib loogu soo
dabaalo tallo loo wada dhan-yahay iyo dhaqansamaantii
dalkeena looga bartay.
Isku
soo wadda dubo Guddigu Ma uusan sheegin waqtiga ay
doorashadu qabsoomayso laakiin waxay caddeeyeen in muddo
kordhin iyo dib u dhigis loo baahan yahay balse arrintani
haddi aanay mucaaradku ayidin waxay u muuqata mid Hadda uga
sii daro karta Xaaladaha siyaasadeed ee ka taagan Maamulka
Somaliland.
www.ceegaag.com
webmaster@ceegaag.com |
