|
Nicolas-Bwakira"Waa in la
Hubeeya DKMG ah ee Soomaaliya si ay uga Adkaato
Islaamiyiinta Mintidka ah".
(Adis Ababa,
September 19, 2009 Ceegaag Online)
Wakiilka
Midawg Africa ee Soomaaliya Nicolas-Bwakira ayaa Maanta oo
Sabti ah waxaa uu war ka soo saaray Xarunta Ururka Midawga
Africa ee Magaaladda Adisababa,Warsaxaafadeedkani uu ku
saxiixnaa Wakiilka Midawga Africa ee Somalia ayaa lagu
sheegay in Loo gargaaro Dawladda KMG ah ee somalia oo Iminka
la daaladhacaysa Mintidin Islaamiyiin ah (Al-shabaab iyo
Hizbul Islaam).
Warsaxafadeedkankan ka soo baxay Xafiiska
Wakiilka Midawga Africa ee Soomaaliya Nicolos Bwakira ayaa
lagu sheegay "Waxaan ugu Baaqeynaa Beesha Caalamka inay sii
labo Jibaaraan Taageerada Ciidamada AMISOM, waxaan u
Baahanahay Maalgalin aad u weyn xag Dhaqaale, Maadi iyo
Qalab oo Amniga ah" Qoraalka oo sii socda ayaa lagu sheegay
hadana "Ma Doonayno in lagu gaabsado Hadalo, waxaan
Doonaynaa Maalgalin la Taaban karo".Bwakira ayaa muujiyay
inuu ku kalsoonyahay inay Ciidamada AMISOM ka adkaan karaan
Xarakadda Shabaabul Mujaahidiin oo uu ku tilmaamay "Mintidad".
Qoraalkan Maanta oo Sabti ah laga soo saaray
Adis-Ababa ayaa waxaa sidoo kale lagu cadeeyay in Midawga
Africa aad uga xuntahay Dhibaatadi ka dhacday Maalintii
Khamiista ahayd Magaaladda Muqdisho ee qaraxa lagula
Beegsaday Xarunta Ciidamada Nabadilaalineed ee
AMISOM,Waxaana Bwakira sidoo kale sheegay inaanay Haboonayn
in Wakhtigan laga Aamuso somalia taasi oo buu yiri ka dhigan
Burbur ku yimaada Dowladda Taagta daran ee Bilawgii
Sanadkaan lagu so Yagleelay Magaaladda Jabuuti.
Si kasta ha ahaate Dhismihii Dawladda Sheikh
sharif jabuuti loogu soo dhisay ayaa ahaa
Isku
daygii ugu Dambeeyay oo ay Beesha caalamku ku doonayso In
Dowlad loo sameeyo Soomaaliya oo wakhti badan Fowdo iyo
Burbur ku jirtan,Inkastoo Dowladda hadda jirta ee Reer
Galbeedku taageero tahay mid taagdaran ayaa hadana waxay la
tacaalaysaa Ciribtirka xoogaga Islaamiyiinta Mayalka adag oo
doonaya inay Taladda ka tuuraan Maamulka Madaxweyne Sharif
oo ay ka soo horjeedaan Taliskii Salka Balaarnaa ee ay ku
dhisteen 2006 Maxaakimta Islaamiga ah.
www.ceegaag.com
webmaster@ceegaag.com |
