|
Iskuulkii uu hirgaliyay
Maxamuud Maxamed Aadan
(Lafoole TWO) oo si rasmi ah waxbarashadii maanta uga
bilaabantay.
(Ceegaag,
September 29, 2009 Ceegaag Online)
Dhagayso :CAASH AXMED CUMAR
Waxaa Maanta Magaalada Ceegaag lagu Qabtay Munaasabad
balaadhan oo lagu furayay sanad dugsiyeedka Magaalada
Ceegaag. Xafladan oo ka dhacday Dugsiga ay wada
dhiseen
Maxamuud Maxamed Aadan (Lafoole TWO)
iyo Cabdilaahi Hareri
ayaa ahay mid aad loo soo agaasimay.
Magaalada Ceegaag oo uu si habsami ah uga socdo Sanad
Dugsiyeedka ayaa la filayaa in Iskuulkan maanta La furay uu
wax ka qaban doono baahidii balaadhnayd ee ka jirtay
Magaalada. Ceegaag ayuun baa lahayd Iskuul ay dhistay Haayada
SCERDO iskuulkaa oo dabooli waayay baahidii ardayda
dhamaanteed.
Iskuulka maanta waxbarashadu ka bilaabantay ayaa lafilayaa
inuu dar dar galin doono saxo-saxada waxbarashada ee
magaalada Ceegaag iyada oo magaalada ardaydeedu horay wax
ugu baran jiraan waabab ayaa maanta loo dhisay iskuulaad ay
u dhamays tiran yihiin dhamaan qalabkii waxbarashada iyo
maclimiin tabobaran oo dib looga soo celiyay magaalooyinka
Borco, Hargaysa, Garoowe, Gaalkacayo iyo Boosaaso.
Macalimiintaa oo ahaa ku wii deegaanka
ayaa hada heli doona mushaharaad sadex jeer ka badan kii ay
ku qaadan jireen deegaanada ay hore uga digo regteen
deegaankooda.
Waxaana Maanta Munaasabadaasi ka Soo Qayb galay dhamaan
waxgaradka degmada Ceegaag oo ay ugu horeeyaan Cuqaasha iyo
Culumada iyo dhamaan Waalidiinta ardaya dhalay.
Waxaana kaloo kamid ahaa madaxdii maanta Xafladaasi ka
hadalay(qadka teleefoonka) Profaysar C/risaaq Lafoole oo kula dardaarmay
Waalidiinta Reer Ceegaag inay ka faaiidaystaan dusigaasi
maanta loo dhisay Waxaana aad ugu amaanay dadwaynaha Reer
Ceegaag sida ay u jecel yihiin waxbarashada waxaana uu
sheegay Lafoole inay sii wadi doonaan Sidii loo horumarin
lahaa Ceegaag.
Waxaana Sidoo kale halkaasi ka hadlay Qaar kamid ah
Waalidiinta Reer Ceegaag oo aad ugu farxay dugsigan maanta
Xadhiga looga jaray Waxayna balan ku Qaadeen inay ka
faaiidaysanaan dugsigooda loo dhisay
Xafladaai ayaa maanta ku Soo dhamaaday jawi aad u Wanaagsan
waxaana isla markiiba ardayda Reer Ceegaag u dareereen
dugsigii maanta Xadhiga looga jaray
Daawo Sawirada
 
Dhagayso:MAX.MED CAWIL CALI
Dhagayso:AXMED SHAAFI
       
www.ceegaag.com
webmaster@ceegaag.com |
