|
Masuuliyiinta DKMG ah ee Somalia oo Maanta Salaada
Ciidul-Fidriga ku Tukaday Muqdisho+Sawiro.
(Muqdisho,
September 20, 2009 Ceegaag Online)
    
Magaaladda Muqdisho ee Caasimadda
Somalia Maanta ma jirin Goob fagaare ah oo ay Dadku isugu
soo bexeen si ay u gutaan Salaadda Ciidul-Fidriga Maadaama
Dadkii Muqdisho Deganaa ku darxumaysanyihiin Duleedka Miyiga
ah ee Muqdisho halka kuwo kalena ay ku Baabe'een Madaafiicda
lagu Garaacayo Guryaha ay Dadka Masaakiinta ah Deganyihiin.
Hadaba Meesha kaliya ee La xusi karo
in laga Tukaday Muqdisho Salaada Ciidul-Fidrigu waa Xarunta
Villa-Somalia oo ay ku urursanyihiin Gebi ahaan
Masuuliyiinta DKMG ah ee Somalia,Masuliyiin ay ka midyihiin
Ra'iisulwasaare
Cumar C/rashiid Sharmaarke iyo Madaxweyne Sharif
sheikh Axmed ,Qaar ka mida Labadda gole(Baarlamaanka iyo
Wasiiradda) ayaa ku tukaday Gudaha Xarunta Madaxtooyadda ee
Villa Somalia halkaasi oo uu salaada ka saaray
Madaxweyne Sharif Sheikh axmed.
Madaxweynaha oo dadka tujiyay
xilligii salaada, ayaa kadib halkaasi waxa uu madaxweyne
Sheekh Shariif ka jeediyay khudbad Carabi aheyd taasoo uu
kaga hadlay arrimo ku aadan fadliga iyo maqaamka bisha
barakeysan ee Ramadaanka oo ummadaha Islaamku ay maanta
macsalaameeyeen ,Shariif ayaa khudbadiisa ku soo qaatay
aayado fara badan oo Qur’aanka iyo axaadiith ku aadan
muhiimada maalintan Ciidul Fitriga, wuxuuna shacabka
xusuusiyay in maanta oo kale ay tahay maalinta Cafiska.
Sharif ayaa carabka ku dhuftay in Diinta Islaamka Maanta
si khalada loo turjumay oo Shacabkii Khalad laga
dhaadhiciyay Taasina buu yiri ay kaliftay in Halaag ka
abuurmo waa sida uu hadalka u dhigaye.Madaxweyne Sharif
ayaa kula dardaarmay dadkii halkaasi ku oogay Salaada in
lixda maalin ee Wadaca ee ka dambeysa Ramadaanku ay
muhiimad gaar ah ka leedahay Alle agtiisa, isla markaana
lagu taamilyeelayo wixii khaladaad ahaa ee Ramadaanka ka
galay qofka Islaamka ah, isla markaana lagu daahir yeelayo
29-kii maalin ee la soo Soomay.
Si kastaba ha ahaate Dadka halkaasi
isugu Yimid oo u Badnaa Masuuliyiinta Dowladda KMG ah ee
somalia ayaa la dhihi karaa Waa dadka kaliya oo Muqdisho ku
ciiday si Baqdini ku jirto Maadaama ay Magaaladu isu
bedeshay Goob dagaal oo Nin walbaaba Dhufayskiisa ku jiro
Taasina aanay suurto galinayn in Meel fagaare ah la isugu
yimaado Marka la eego Xaaladaha ka taagan Magaaladda
Muqdisho.
Isku soo wadda duubo waxaa jira
Magaalooyin kale oo ku teedsan Koonfurta Somalia
sida,Kismaayo,Baydhabo,Jowhar,Marka iyo Magaalooyin kale oo
iyana Laga tukaday Salaada Ciida kuwaasi oo ay gacanta ku
hayaan Islaamiyiinta Mayalka adag ee Al-shabaab iyo Hizbul
Islaam.
www.ceegaag.com
webmaster@ceegaag.com |
