|
Dawladaha Reer Galbeedka oo
Wadda hindisayaal Cusub oo lagula dagaalamayo Burcad
badeedda.
(Somalia,
September 02, 2009 Ceegaag Online)
Maraykanka
iyo Midawga yurub ayaa aad ula tacaalaya la dagaanka Burcad
badeedda somalida oo faraha looga gubtay isla markaana
maraakiibta iyo Doonyaha shisheeye ka qafaasha xeebaha ku
teedsan Badweynta Hindiya iyo Badda cas maanta ayaa waaxda
Arrimaha Dibadda ee Dawladda Maraykanku soo saartay
warmurtiyeed ay kaga warbixinayso hindise cusub oo lagu
balaarinayo Hawgalka la dagaalanka Burcad badeeda somalida
iyadoo hindisaha Cusubi muujinayo in la balaariyo iskaashiga
ku aadan hawlgalka lagu hakinayo weeraradda Burcad badeedda
somalida ee laga cabsi qabo inay sii kordhaan maalmaha soo
socda maadama uu dhamaaday xilli dabayleedki Maansoon oo
sameeyay bilihi xagaaga weeraradi Burcad badeedda somalida.
Americanka
ayaa kula heshiiyay Dawlada
Kenya inay ku
wareejiyaan Burcad badeedda ay soo qabtaan ciidamadda
Mariiniska Dowladda mareykanka ee qeybta ka ah la dagaalanka
Burcad badeedda waxaana Balaarinta hawlgalka la dagaalanka
Burcad badeeda maraykanka noqonaysaa mid wax ku soo biirisa
Ciidamo iyo Maraakiib shisheeye oo hoganaya Xeebaha Somalia
,Hindisaha ayaa waxaa sidoo kale lagu sheegay inay si buuxda
ciidamada Mariniska Mareykanka ee la dagaalanka burcad
badeedda ay ula shaqeyn doonaan Mariiniska Caalamiga ah ee
qeybta ka ah la dagaalanka burcad badeedda gaar ahaa
ciidamda Mariiniska Midowga Yurub ee howlgalka loogu
magacdaray
Atlanta
Operation ka wada badaha Soomaaliya waxaana mariiniska
Maraykanku ku soo biireen Hawlgalka la dagaalanka Burcad
badeeda ansixintii qaraarkii QM ee tirsigiisu ahaa 1851.
Sidoo kale
Mariiniska midowga Yurub ayaa xaqiijiyay inay diyaaradaha
shidaalka qaada u dirayaan dalka Jaziiradda Siishalis si ay
uga qryb noqdaan howlgalka lagula dagaalamayo Burcad
badeedda Somalida oo laga cabsi qabo inay gaaraan xeebaha
Jaziiradaasi oo ay sidoo kale ka jiraan dhaqdhqaaqyo ay
burcad badeed aan Soomaaliya aheyn ka wadaan.
War
murtiyeedkan ay soo saaren Mariniska Midowga Yurub ee qeybta
ka ah howlgalka Atlanta operation ee lagula dagaalamayo
burcad badeedda Soomaaliya ayaa lagu sheegay in 2
diyaaradood oo nuuca shidaalka qaado ah la geynayo badda
Mahe, ee jaziiradda Sishalis si ay ula shaqeeyaan
maraakiibta ilaalada xeebaha iyo la dagaalanka shufto
badeedka ee halkaasi ka howlgasha.
Diyaaradaha oo nuucooda lagu sheegay The Swearingam Merlin 3
oo ah kuwa shidaalka qaada ayaa ka qeyb qaadaneysa howlgalka
Atlanta Operation ee ay mariniska midowga yurub ku
baacsanayaanburcad badeedda Somalida. Waxaana lagu wadaa in
ay soo gaaraan badaha Jaziiradda Sishalis.
Diyaaradaha
ayaa waxaa ku xiran aalado wax sawiro oo si toos ah ugu duwa
Raadaarka isla markaana awood u leh inay burcad badeedda
sawiro ka qaadan xilliyada habeenkii ah iyo maalintii
waxayna ku duuli karaan xawaare aad u sareeya iyagoo
duulimaad sameyn karo 3-4 saacadood oo xiriir ah, waxaana la
saari doonaa quburo dhanka Farsamada Casriga ah ku xeel
dheer oo si weyn uga shaqeyn doono soo gudbinta xogta dhabta
ah ee dhaqdhaqaaqyada burcad badeedda ay sameynayaan.
Dhanka kale
Dawladda wadanka Finland ayaa ka baaraandegaysa qorshe ay
ciidaamo iyo Maraakiib dagaal ugu soo dirilahaayen Xeebaha
somalia ,Qorshaha ciidamada dowladda Finland loogu soo
biirinayo howlgalka la dagaalanka burcadbadeedda Mariniska
Midowga Yurub Atlanta Operation ayaa ka mid noqon doona
Hindisaha dawladaha Reer Galbeedku ugu jiraan La dagaalanka
Burcad badeedda Somalida.
Isku
soo wadda xooriyo xeebaha Dalka somalia ayaa waxaa tuban in
ka badan 100 maraakiibta Dagaalka ah oo la sheegay inay
Burcad badeeda ka waardiyaynayaan Maraakiibta Shixnadaha
sida ee isaga kala gooshaya Badweynta Caalamka , waxaase
xusid mudan in maraakiibtaa shisheeyaha ah ee jooga xeebaha
somalia dhibaatoyin ba'an ku hayaan Dadka degan Agaagaarka
xeebaha sida Kaluumaysatada iyo iyagoo Ugaarta duurjoogta ah
meelaha qaarkood diyaarado kaga daabusha.
www.ceegaag.com
webmaster@ceegaag.com |
