|
Wakiilka Xoghayaha Guud ee QM
arrimaha Somalia Axmedu Walad Abdalla oo Tegay Magaaladda
Garowe.
(Garoowe,
September 12, 2009 Ceegaag Online)
Wakiilka Xoghayaha Guud ee QM
arrimaha Somalia Axmedu walad Abdalla ayaa Maanta ka soo
degay Gagiga Dayuuradaha ee Kanoco Magaaladda Garowe ee
Caasimadda Puntland Waxaana halkaasi ku soo dhaweeyay
Masuuliyiinta Puntland.
Axmedu Walad Abdalla Ergayga Gaarka
ah ee Xoghayaha Guud ee Qaramadda Midoobay Arrimaha Somalia
ayaa Waxaa loo gudbiyay Xarunta Madaxtooyadda ee Magaaladda
Garowe halkaasi oo uu kulan kula leeyahay Madaxweyne Faroole
iyo Xubno ka tirsan Golihiisa Wasiiradda.
Walad Abdalla oo markii uu ka soo
degay Airporka Magaaladda Garowe hadal kooban siiyay
Saxaafadda ayaa sheegay inuu ku faraxsanyahay Nabadda iyo
Horumarka ka jira Goboladda Puntland isagoo sheegay inuu la
kulmay wax uusan filayn,Intaasi ka dib shir gaara ayaa uu la
galay Madaxweynaha Puntland C/raxmaan Faroole mana cada ilaa
iyo Hadda waxa ay ka wada hadleen waxaana la filayaa inay
Caawa soo saaran Warsaxaafadeed Wada jira.
Socdaalkii Walad Abdalla ee
Somaliland:-
Axmedu walad Abdalla intii uusan soo
gaarin Magaaladda Garowe wuxuu ka soo ambabaxay Magaaladda
Hargeysa halkaasi oo uu u joogay Xalinta Khilaafaadyadda
Siyaasadeed ee Hareeyay Gobolkaasi hadaba Markii uu maanta
yimid Garowe ayaa uu wuxuu kulan saxaafadeed u Qabtay Golaha
wasiiradda Puntland wuxuuna ka war bixiyay Safarkiiso
somaliland isagoo carabaabay inuu ku guuldaraystay
Safarkiisi Hargeysa isla markaasna uu isaga soo huleelay.
Wakiilka QM wuxuu sheegay in ay
Somaliland umuuqato meel ka tagaysay nabadgalyadii, isla
markaasna hoos usii dhigaysay nabadgalyadii looga bartay,
isagoo sheegay in aysan rajo dhaw Qaramada Midowbay ka
laheyn in ay soo dhamaadaan rabshadaha Somaliland.
Danjire Axmed wuxuu warkan ka sheegay mar uu la hadlayay
Madaxweynaha dowladda Puntland iyo Golaha Wasiirada, isagoo
soo qaatay maah-maah Soomaaliyeed oo dhaheysa ama oraneysa (DHARIGII
FARA BATAA, WUU FUUD QARAAREEYAA), taasoo ula jeeday in ay
Somaliland ku bateen Siyaasiintii, ila markaasna aysan waxba
maqleyn oo ay arkayaan oo kaliya danahooda gaarka ah.
Isagoo hadalkiisa sii wata ayaa uu
ku sifeeyay sii badashadda Siyaasiyiinta Somalida mid aan
Suurtogal ahayn hogaamin kartana Qalalaaso iyo Fowdo waa
Sida uu hadalka u dhigay isagoo wax laga xumaado ku
tilmaamay Xaaladda ka taagan Somaliland.
www.ceegaag.com
webmaster@ceegaag.com |
