|
Mudaharaadyo Rabshado wata oo
Maanta ka dhacay Magaaladda Hargeysa+Sawiro.
(Hargaysa,
September 12, 2009 Ceegaag Online)
Waxaa Maanta ka dhacay Magaaladda
Hargeysa ee Xarunta Maamulka
Somaliland Mudaharaadyo Balaaran oo rabshado wata
Kuwaasi oo sababay Dhimasho iyo Dhaawac ka dib markii
Booliiska Hargeysa Rasaas Ooda kaga qaadeen Kumanaan
Dadweyne Caraysan oo soo hor istaagay Afaafka hore ee
Xarunta Wakiiladda magaaladda Hargeysa,Waxaana la sheegay
inay Dadku ka mudaharaadayeen Talaabadi Ciidamadda Booliisku
ku xireen Fadhigi Golaha Baarlamaanka Maamulka S/land iyadoo
saakana Gudaha Aqalka Baarlamaanka loo ogaaladay oo kaliya
Shirgudoonka waxaana Banaanka la tubay Xildhibaanadi.
Isku
socodkii Gaadiidka iyo dadweynaha ayaa gabi ahaanba meesha
ka baxay inta badan meheradihii Ganacsigana albaabada ayaa
loo laabay ka dib markii banana-baxyo rabshado watay ay
hadheeyeen magaalada Hargeysa , Ka dib markii saaka
Xukuumadu u diiday Golaha Wakiilada Somaliland inay galaan
golahoodii, oo albaabada loo xidhay maalintii Salaasadii ee
todobaadkii la soo dhaafay.
Banaan baxayaasha ayaa marba marka
ka dambaysa sii badanaya waxaana illaa imika la xaqiijiyay
inay ku dhinteen 4 qof oo Rayid ahi, kuwaasi oo mid ka mid
ahi uu ku dhintay cisbitaalka guud ee Hargeysa. Sidoo kale
3qof ayaa iyaguna ku dhaawacmay banaan baxaasi , Hase ahaate
warar Madaxbanaan oo Hargeysa Naga soo gaaraya ayaa
Tibaaxaya in Dhaawuxu intaasi ka badanyahay.
Shabakadda Ceegaag Online ayaa
Khadka Tellka kula xiriirtay Hoodo Axmed Khayr oo ku sugan
Magaaladda Hargeysa waxayna noo sheegtay in Xaalada
Magaaladu aad u kacsantahay walaw Gelinkii Dambe shucuurtu
Degtay sida ay sheegtay Hoodo waxaa Magaaladda Gaafwareegaya
Ciidamadda Biliiska ee Somaliland.
Madaxweyne Daahir Riyaale Kaahin
ayaa sheegay inuu ka xunyahay Dhimashadda Shacbiga
geeriyooday isla markaasna wax Hadal taagan aanay ahayn in
Gacan loo bedelo isagoo Rabshadihi Hargeysa ka dhacay ku
eedeyay Shirgudoonka Golaha Wakiiladda Somaliland iyo
Xisbiga Mucaaridka ah ee KULMIYE.
Daawo Dhaawaca
ku yimid Bilicdii Hargaysa
     
webmaster@ceegaag.com |
