|
Rabshado ka taagan Dalka
Honduras.
(Honduras,
September 23, 2009 Ceegaag Online)
Wadanka ku yaala Laatiin America ee
Honduras ayaa waxaa la soo sheegayaa in xaaladu marayso
halkii ugu xumayd Markii ilaa maalintii axada ahayd uu
Dalkaasi ku jiray Xaalad kala guur ah iyadoo ay jiraan dad
caraysan oo Mudaharaad ka dhigaya ilaa hadda Magaaladda
Caasimadda ah ee TEGUCIGALPA,Rabshadani ayaa la sheegay inay
timid markii uu Dalkaasi Dib ugu soo laabtay Madaxweynihi
horay Talada laga tuuray
Manuel Zelaya oo iminka ku jira Safaaradda
Brazil ay ku leedahay Magaaladda
Tegucigalpa
ee Caasimadda Dalka Honduras.
Wararkii ugu Dambeeyay ee aan ka soo
xiganayno Wakaaladda wararka ee Reuters ayaa sheegaya in
kumanaan Ciidamadda Biliiska ah oo adeegsanaya Sunta dadka
ka ilmaysiisa iyo Rasaasta caaga ah ay si wayn u
waardiyaynayaan Xarunta Safaarada Brazil ee Magaaladda
Tagucigalpi ka dib markii Dad Taageresan Mr;Manuel Zelaya
soo buux dhaafsheeg iridka hore ee Safaaradda Brazil ku
leedahay Dalka Honduras.
Xukuumadda inqilaabka ku qabsatey
dalka Honduras ayaa safaaradda Barazil ka goysey korontadii,
biyihii iyo weliba khadadkii telefoonada, waxayna amar ku
siiyeen in ay banaanka u saaraan Madaxweynihii hore ee la
inqilaabey ,Waxaa maalintii shalay isku dhacay Booliska
Honduras iyo dadweyne taageersanaa Madaxweynihii la
inqilaabey kuwaas oo ku soo ururay banaanka hore ee
safaaradda iyadoo ay kula jiraan Safaaradda Madaxweynihi
hore Zelaya Qoyskiisa iyo Taageerayaashiisa.
Si kastaba ha ahaate Dawladda
Maraykanka ayaa horey ugu digtey Mr.Zelaya in uu dib ugu
laabto Honduras, waxayna ku baaqeen in arinta lagu dhameeyo
si diblomaasi ah, kulaabashada uu ku laabto halkaas waxa ay
horseedi kartaa rabshado iyo xaalad deganaansho la’aan ah,
ayaa lagu yiri war hadda ka hor ka soo baxay Wasaaradda
Arimaha Dibadda ee Maraykanka iyadoo Mr.Manuel Zelaya xilka
looga tuuray inqilaab mileteri kaas oo aan wax dhiig ah ku
daadan taariikhdu markey ahayd 28 bishii Juun ee sanadkan
2009 isagoo markii Xilka laga tuuray Magangelyo siyaasadeed
waydiistay Dalka ay deriska yihiin ee Nicaragua.
Madaxweynaha Dalka Brazil
Luiz Inacio Lula da Silva ayaa ugu baaqay Golaha
Amaanka ee Qaramadda midoobay in la dejiyo xaalada
Madaxweynihi hore Zelaya"Waxaan ka dalbanayaa Beesha
caalamka iyo Qaramadda Midoobay in Madaxweynenimadi dib
loogu soo celiyo Zelaya sida ugu dhakhsaha badan lagana
dhigo nin xor ah oo dadkiisa iyo Dalkiisa wax u qabta" ayaa
uu yiri Lula madaxweynaha Dalka Brazil,Dhanka kale isna
Madaxweynaha ay Xulufada Hantiwadaaga isla yihiin Zelaya
Huga Chaves Madaxweynaah Vanasuella ayaa wariyayaasha u
sheegay in QM dib awoodi ugu soo celiso Manuel Zelaya oo
hadda ku xaniban Safaarad ku taala Magaaladda Tegucigalpa.
www.ceegaag.com
webmaster@ceegaag.com |
