|
Roobab Khasaare gaystay oo ka
da'ay Bariga Fog ee G/Karkaar.
(Qardho,
September 28, 2009 Ceegaag Online)
Roobab Khasaare gaystay ayaa ka da'ay
Bariga fog ee Gobolka Karkaar ee Maamul Goboleedka
Puntland,Roobabkani ayaa khasaaraha ka gaystay Deegaanka
Dhudhub oo ku yaala Bariga fog ee Gobolkaani Karkaar sida uu
Shabakadda Ceegaag Online u sheegay Gudoomiyaha Guddiga
Xoolo dhaqatadda Gobolka Karkaar Faarax Maxamuud Ibraahim
waxaa ku bakhtiyay Daadad iyo Fatahaado ka dhacay
Deegaankaasi xoolo gaaraya 900 oo neef kuwaasi oo isugu jira
Riyo iyo Ido.
Warar Madaxbanaan oo aan helayno ayaa
Sheegaya in Roobku sidoo kale qaatay saddex qof oo
Biyo daad ah guryohooda ugu soo galeen isla markaasna
laga soo reebay markii ay u gurmadeen dadka degan Tuuladda
Dhudhub ee Bariga fog ee Gobolka karkaar waxaana hadda ka
socda Deegaanadaasi Gurmad ay fulinayaan Hay'adaha Gargaarka
ee ka hawlgala Deegaanadaasi,Ka dib roobabkaasi Khasaaraha
Gaystay ayaa Maamulka Gobolka Karkaar wuxuu Guddi u saaray
Musiibadii ka dhacday Deegaanadaasi waxaana Guddigaasi
Gudoomiye u ahaa Talyaha Qeybta Biliiska ee Gobolka Karkaar
waxaana Xubno ka ahaa,Gudoomiyaha Degmadda Beyla iyo
Taliyaha Saldhiga ee Beylka,Guddiga xoolo dhaqatada Gobolka
iyo Ururadda Daryeelka Bulshadda ee ka hawlgala Magaaladda
Qardho ee xarunta Gobolka Karkaar.
Guddi loo saaray Khasaaraha Dhacay oo ka
warbixiyay:-
Guddiga loo saaray Khasaaraha ay Gaysteen
Roobabka ka da'ay Bariga fog ee Gobolka Karkaar ayaa ka
warbixiyay Waxa ay kala kulmeen Goobti ay Tageen,Cali Ciise
baab oo ah Madaxa Biliiska ee Gobolka Karkaar ahna
Gudoomiyaha Guddiga loo saaray Dhibaatadaasi ayaa Maanta
Kormeer kaga soo noqday Deegaanka Dhudhub ee Gobolka Karkaar
ee Maamul Goboleedka Puntland wuxuuna uga waramay Shabakadda
Ceegaag Online waxa uu kula kulmay Goobta"Bismilaah Raxmaani
Raxiim,Runtii Safarkaygu wuxuu ahaa xog uruurin aan
doonaynay in Guddigi loo saaray hawshaan ay xog kaga soo
ururiyaan Dhibaatadda dhacday waxaan la kulmay xoolo
bakhtiyay oo tiro ahaan Dhan 950 Neef oo xoolo ah oo waran
Dooxadda Dhudhub,Runtii dadkii iska lahaa way cayroobeen oo
waxba gacanta kuma aysan hayn anagana xogtii aan soo qaadnay
waxay muujinaysaa Dhibaatadda Meesha ka dhacday Inta ay
le'egtahay hadana Hay'ado ayaa Qeyb nagala Qaadanaya
Dhibaatadda Dhacday".
"Waxaan ugu Baaqaynaa Hay'adaha Caalamiga ah
inay nagala Qeybgalaan Gargaarka loo fidinayo Dadkaasi oo
waxyeelo wayn run ahaanti ay soo gaartay waxaan ugu Baaqayaa
Hay'adaha Caalamiga ah iyo kuwa Samafalka ee ka hawlgala
Puntland inay dadkaasi waxyeeloobay la soo gaaraan Gargaar
Degdega oo cuno iyo Daawo ah,Biyihii roobka xitaa waxaa ka
dhashay Xanuuno ay ka mid tahay Malaariyadda oo dadka ku
dhacday" ayaa uu yiri Cali ciise baab Gudoomiyaha Guddiga
loo saaray Musiibadaani.
Si kastaba ha ahaate ma aha markii ugu
horaysay oo Roobab ka da'a Goboladda Puntland Khasaare
heerkaan gaarsiisan Gaystaan hase ahaate waxaa la xasuustaa
Roobkii loo yaqaanay"Barafle" oo Sanadkii 2004tii
Cayreeyay Qoysas gaaraya 600 oo qoys oo ahaa Xoolo
dhaqatadda Goboladda Puntland.Ceegaag Online
webmaster@ceegaag.com |
