|
Warar dheeraad ah oo ka soo
kordhay dilkii waxashnimada ahaa ee ka dhacay Sararawayne.
(Sararawayne,
September 14, 2009 Ceegaag Online)
Iyadoo ay ka soo wareegtay muddo 3
casho ah dilkii qorshaysnaa ee lagu khaarajiyay alla ha u
naxariistee labada marxuum ee kala ah
Maxamed Cabdi-giir
Dabagooye iyo Cabdifatax Maxamed Axmed Dabagooye oo ka
dhacay tuulada
Sararawayne ayaa waxaa isa soo taraya warar
sheegaya in khilaaf keeni kara gacan ka hadal uu ka
dhexqarxi karo jifooyinka reer Hagar ee dilka gaystay
dhexdooda ka dib markii ay isku khilaafeen qaabka ay u
maamuleen gacanku dhiiglayaashii dilka gaystay oo midna la
soo qabtay qaarkii kalena aan wali gacanta lagu soo dhigin.
Jifada reer Colow oo uu ka soo
jeedo gacankudhiigle Goofadhe Cumar Xaaji Maxamuud
ayaa soo
dhoobay ciidamo beeleed magaalada Buuhoodle maanta iyagoo ka
dalbaday jifooyinka kale ee reer Hagar in ay soo qabtaan
nimankii la fuliyay Goofadhe Dilka ama iyagana loo siidaayo
wiilkooda. Ardaaga reer Colow ayaa ku dooday in reer Hagarka
kale isaga dhexbaxaan iyaga iyo Hayaag , balse taas ayaa
waxaa ka biyo diiday inta badan reer hagarka ka dib markii
ay ku doodeen in aysan reer Colow kaligood dilin 22-ka nin ee Hayaag ee muddada 3 sano ah la dilay,balse reer Hagar oo
dhami ay u dhammaayeen.
Waxaa kale oo reer Hagarka kale ku
doodeen in maaddaama reer Colow reer Hagarka kale godob
badan u soo jiideen in ay maanta badbaadiyaan
gacankudhiiglayaashe kale ee reer Hagar kuna adkaystaan in
Goofadhe uu kali ku ahaa dilka labadaas marxuum.
Goobjooge
ku sugnaa goobta lagu wada hadlayay oo diiday in aan
magaciisa la shaacin ayaa shabakadda
Ceegaag.com
khadka
telefoonka ugu sheegay in arrintan ay isku mariwaayeen
ardaayada reer hagar iyadoo markii ugu dambaysay ay iska
doorteen 3 nin oo guddi ah oo kala ah
1.
Cismaan Baxnaan
Cabdille
2.
Cabdisamad Xasan Cali Baashaar iyo
3.
Ibraahin Cali Shire.
Waxaa kale oo goobjooguhu noo
xaqiijiyay in guddiga beesha reer Hagar horay isugu
afgarteen haddii reer Colow lagu qanciyo in ladhiibo
gacankudhiiglaha lagu wareejiyo beesha Reer Cali-Gari ee
Axmed Garaad si ay ugu wareejiyaan beesha Hayaag.
Beesha Hayaag ee dhibku gaadhay ayaan
iyaga illaa hadda mowqifkoodii waxba iska baddalin iyadoo
goobjooguhu noo xaqiijiyay in ay ku adkaysteen in beesha
reer Hagar soo dhamaystiraan gacankudhiiglayaashii falkan
gaystay iyo kuwii ku gargaarayba.
Dhinaca kale Waxaa kaloo goobjooguhu
noo sheegay in odayaasha beesha Hayaag qaarkood wadahadal
hoose la bilaabeen beesha reer Hagar, balse aan illaa
haddeer la ogayn waxayaabaha ay ku wadahadleen ama isla
meeldhigeen.
Wixii war ah ee ka soo kordha arrintan
kala soco
Ceegaag.com
www.ceegaag.com
webmaster@ceegaag.com |
