Shir ay yeesheen Golaha Xukuumadda DKMG ah ee Soomoaliya oo Maanta warsaxaafadeed laga soo saaray.

(Muqdisho,  September 16,  2009 Ceegaag Online)

Waxaa Maanta ka dhacay Xarunta Madaxtooyadda ee Villa Somalia Muqdisho shir balaaran oo ay isugu yimaadeen Badi Xubnaha Golaha Wasiiradda DKMG ah ee Somalia oo uu ugu Horeeyo Ra'iisulwasaare Cumar C/rashiid Sharmaarke,Shirkan ayaa sidoo kale waxaa kala so qeybgalay Madaxweynaha Dawladda KMG ah ee Somalia Shariif sheikh axmed oo Talooyin iyo Warbixinoba Siinayay Xukuumadda Ra'iisulwasaare Sharmaare.

Shirkani Ka dib ayaa Waxay shirkooda Masuuliyiinta Dawladdu ka soo saareen Warsaxaafadeed loo Qeybiyay Saxaafadi Madasha ku sugnayd taasi oo lagu Qeexayay Xaaladaha Maanta ka taagan Dalka Somalia.

Muqdisho - Talaado: 16-09-2009: Kulan aad u xasaasi ah oo ay yeesheen golaha wasiirada oo uu horkacayay Mudane Cumar C.rashiid Sharmarke- Raiisul Wasaaraha Soomaaliya iyo Madaxweynaha soomaaliya Mudane Shariif Sheekh Axmed ayaa maanta oo talaada ah ka dhacay Madaxtooyada Soomaaliya.

Shirka ayaa ku saabsanaa warbixin uu madaxweynihu siinayay iyo talooyin wax ku ool ah oo uu madaxweynuhu la wadaagay Golaha wasiirada.

1- Mudane C/laahi Sheekh Cali

Wasiiru dowlaha Wasaarada Qorsheynta iyo Iskaashiga Caalamiga.

2- Mudane C/laahi Yuusuf Cigaal

Wasiiiru dowlaaha Wasaarada Dastuurka iyo Arimaha Federaalka.

Waxaana madaxweynaha ku hordhaariyay Wasiirka Cadaalada Mudane C.raxmaan Maxamed Faarax Janaqoow.

Dhaarintaa ka dib Madaxweynuhu wuxuu warbixin ka siiyay Golaha wasiirada Safarkii Madxweynuhu ku tagay Dalalka Qadar, Imaaraadka iyo Jabuuti, waxaana uu tilmaamay madaxweynuhu in guulo dhanka sii xoojinta xiriirka soomaaliya iyo dalalka Carabta ah laga soo gaaray iyo in laga filayo in kaalmo balaaran oo baniaadanimo la soo gaaraan dalka soomaaliya, taakuleeyaana dowlada soomaaliya.

Madaxweynuhu wuxuu tilmaamay in golaha wasiiradu saran yahay xilweyn waxaana uu yiri isagoo arinkaa ka hadlayay "Waxaa dusha idinka saran masuuliyaad waaweyn, waxaana ugu horeyn laydinka rabaa in wasaaradihiina aad waajibka idinka saran gudataan, oo aad waxqabad la timaadaan, dhanka kale inaad dib u heshiisiinta dowr weyn ka ciyaartaan, iyo inaad shacabka u muujisaan fikradan qaldan ee dagaala lagula jiro dowlada oo ah inaan dagaalkani sidaad la socotaan uusan ahayn mid diin, iyo ineysanba jirin sabab loo dagaalamo bacdamaa dowladu ay qaadatay shareecadii islaamka"

Madaxweynuhu wuxuu ku booriyay Wasiirada ineey aad uga howlgalaan xafiisyadooda wasaaradaha oo waqti badan siiyaan wasaaradahooda.

Dhanka kale Madaxweynuhu wuxuu tilmaamay in ay tahay in Amaanka Wasiirada uu hoostago Wasaaradaha Amniga iyo Arimaha Gudaha lagana dejiyo siyaasad guud si aysan u dhicin in wasiir walbaahi intuu doono oo ciidan ah ka dhigto ilaalo.

Madxweynuhu waxaa uu tilmaamay in dowladda ay masuuliyad ka saran tahay shacabka qaxay ee dhibaataysan kuwa abaaraha ku haystaan dhamaan Jamhuuriyada soomaaliya lagana doonayo ineey golaha wasiiradu ay siyaasad iyo qorshooyin cad cad ka sameeyaan isagoo farta ku fiiqay in:-

1- Shacabka iyo ganacsatada lagu booriyo ineey ka qeyb qaataan kaalmeynta shacabka.

2- In golaha wasiiradu ay ka fikiraan sidii loo aasaasi lahaa Hay’ad uruuriso Sakada si dadka dhibaataysan loogu gudbiyo "Diiwaanu Sakaad".

Madaxweynuhu oo ka hadlayay arinta ciidanka ayaa yiri "Waxaan wadnaa waa fikrad ah in dalkeena ka hano qaado dowladnimo waxayna u baahantahay in loo helo awood ciidan oo suura gelisa in dowladdu ay keento amaan iyo cadaalad".

Madaxweynuhu ayaa hoosta ka xariiqay in ay lagama maarmaan tahay in ciidamdada qalabka ay helaan daryeel dhan walba ah sidoo kalana ay ubadkoodu helaan daryeel marka ay ku geeriyoodaan danta qaran isagoo ku taliyay in la sameeyo Hay’ad daryeesha Agoonta Ciidamada Qalabka sida.

Madaxweynuhu wuxuu ku booriyay Golaha Wasiirada in gudahooda wada shaqeyn ka jirto, oo aysan dhicin in ay warfaafinta dhaliil iyo dhaleeceyn isku mariyaan. Dhanka kale waxaa Golaha wasiirada uu ku booriyay in ay wada shaqeyn la yeeshaan baarlamaanka, si mar walbo loo ilaaliyo midnimada dowlada laamaheeda kala duwan.

Isku soo wadda Duubo Warsaxaafadeedkan loo Qeybiyay Saxaafadda ayaa waxaa ku saxiixnaa C/qaadir Maxamed Cusmaan(Barnamij) ,Agaasimaha Warfaafinta Madaxtooyada Soomaaliya.

www.ceegaag.com

webmaster@ceegaag.com