|
Wafti
Balaadhan oo ka socda Wadan Sweden oo galabta gaadhay
Garoowe
(Garoowe,
Feb 20, 2010 Ceegaag Online)
Wafdi Balaaran oo uu hogaaminayo ergayga u qaabilsan dalka
Swedan Deeqgaarsiinta Dalalka Sudan iyo Soomaaliya oo soo
gaaray Garoowe ayaa waxaa uu kormeer ku sameeyay Kuliyada
GTEC iyo Jamacada PSU isla markaasna waxaa xariga ka jaray
dhisme loogu talagalay Ardayda wax ka barata GTEC oo gaaraya
64 gabdhood noqonaya markii ugu horaysay ee gabdho intaas
garaya dhisme loo dhiso ay degaan inta ay waxbarashada ku
jiraan.
Munaasabadaan oo ka dhacday xarunta GTEC ayaa waxaa ka soo
qayb galay Masuuliyiin ay ka mid ahayeen Wasirka
waxbarashada Puntland Cabdi Farax Juxa maamulka sare ee GTEC
saraakil ka socotay hayadaha Sida iyo Diakonia oo labaduba
ah hayado Swedish ah,
Inta aysan bilaaban xaflada furitaanka ah ayaa waxaa hadalo
ka soo jeediyay goobta Masuuliyiin uu ka mid ahaa Maamulaha
GTEC C/risaaq Shoole oo isagu warbixin dheer ka bixiyey
kuliyada ilaa inta arday ka baxday iyo qaybaha ay ka kooban
tahay, waxaa sidoo kale uu intaasi ku daray sidii uu u
kormeeri lahaa kulejka GTEC oo dhiseen dowlada Swedan iyo
dhisme kale oo ay degayaan Macalimiinta Wax dhigaya oo dalka
dibadiisa ka imaanaysa.
C/risaaq waxaa kale oo uu xusay in ay ka faa'idaysan doonaan
macalimiin badan oo tayo leh isla markaasna ay aad u yar
yihiin macalimiinta gabdhaha oo loo tababaro macalinimo
gabdhaha,
Intaas ka dib ayaa isna waxaa ka hadlay halkaasi ergayga u
qaabilsan deeq gaarsiinta dalalka Soomaaliya iyo Sudan dalka
Swedan, oo sheegay in uu aad ugu faraxsan yahay Hormarka
waxbarasho ee ay Puntland gaartay iyo sida ay u shaqaynayso
GTEC isla markaasna ay soo saarayso macalimiin tayo iyo
aqoon u leh habka waxbarashada
Ugu danbayntii ayaa waxaa hadal kooban isna ka jeediyay
Goobta Wasirka waxbarashadda Puntland Cabdi Farax Juxa oo ku
aadan mahad celin iyo soo dhawayn uu u muujiyay Dowlada
Swedan iyo Hayaddaha Sida iyo Diakonia hawlaha la taban karo
ee ay Puntlan ka qabteen
Waana markii ugu horaysay ee xarun lagu tabarayo gabdho
garaya intaasi leg oo laga furo Garoowe isla markaasna ka
kala yimada Gobolada oo dhan.
Cali dhagjar
Ceegaag online
webmaster@ceegaag.com |
