Gaadiidkii u kiraysnaa WFP oo saaka ka anbabaxay Laascaanood

 (Laascaanood,  Feb 20,  2010 Ceegaag Online)

Magaalada Laascaanood waxaa gabi ahaanba kaantaroolka dhinaca bariga ka anba baxay Gaadiidkii u kiraysaa barmaamijka cunta adduunka ee WFP Soomaaliya, gaadiidkaasi oo mudooyinkii ugu danbeeyey ku sugnaa gudaha magaalada Laascaanood kadib markii maamulka Puntland u diiday inay gudaha Puntland dhexmaraan balse markii danbe dawlada Puntland iyo WFP Wada hadal magaalada Garoowe ku yeesheen isku fahmay inay gaadiidkaasi gudaha Puntland soo galaan una gudbaan deegaano kamid ah gobolada Puntland iyo gobolada Dhexe ee Soomaaliya oo Raashinka loo Wado.
 
Ceegaag Online oo saaka Xidhiidh dhinaca taleefoonka magaalada Laascaanood la samaysay ayaana warkaasi kaxaqiijisay  masuuliyinta Somaliland ee Laascaanood ku sugan oo sheegay in gaadiidkaasi gabi ahaantiis magaalada ka baxay kuna sii jeedo dhinaca deegaanada Puntland iyo gobolada dhexe ee Soomaaliya.
 

Dhinaca kale Ceegaag Online ayaa taleefoonka magaalada gaalkacyo kula Xidhiidhaya masuuliyiinta dhinaca Puntland oo sheegay in Qaadiidkaasi Qaarkood soo galeen deegaano kamid ah Puntland raashinkaasina amnigiisa ay la socdaan Ciidamada amaanka Puntland oo ilalainayaa mucaawimadaasi sidii loo gaadhsiin lahaa dadka baahan ee kunool gobolada Soomaaliya

webmaster@ceegaag.com