Weerar banbaano oo xalay lagu weeraray saldhiga magaalada Garoowe

 (Garoowe,  Feb 20,  2010 Ceegaag Online)

Saldhiga dhexe ee magaalada Garoowe ee kuyaala bartamaha magaalada Garoowe waxaa habeenimadii xalayto lagu weeraray qarax nooca gacanta laga tuuro oo lala beegsaday qaarkamid ah ciidamada saldhigaasi dhexe ee magaalada Garoowe, lama oga qaraxa soo gaadhay ciidamaasi xalay lagu weeraya banbo gacanta laga tuuro sidoo kale lama ogaankaro khaasaraha dhabta ah ee ka dhashay qaraxaasi xalayto.
 
Saraakiisha ciidama amaanka magaalada Garoowe ayaa iyana dhinacooda ka gaabsaday inay ka hadlaan qaraxaasi xalayto magaalada garoowe ka dhacay, waxuuna qaraxani imanayaa xili guud ahaan amaanka magaalooyinka Puntland uu soo xumaanayo oo gudaha Puntland ku soo badanayaan falalka dilalka qorshasan iyo qaraxyada oo lala beegsanayo masuuliyiinta dawlada Puntland.
 
Madaxda dawlada Puntland ayaa qaraxyadani iyo dilalka maalintii khamiista eedooda dusha uga tuuray kooxa ha all-shabaab ee ka dagaalanta koonfurta Soomaaliya sida uu saxaafada u sheegay madaxwayne kuxigeenka Puntland oo sheegay inay all-shabaab doonayso inay khal khal galiyaan amaanka Puntland waxna uu faray ciidamada amaanku inay gacan bir ah ku qabtaan amaanka Puntland mana muuqato ilaa iyo hada wax da'daal ah oo ciidamadu ay qaateen dhinaca amaanka sugidiisa.

webmaster@ceegaag.com