Golaha guurtida Somaliland oo cod buuxda ku diiday iscasilaadii gudoomiye kuxigeenka golaha guurtida.

(Hargeysa,  February  01,  2010 Ceegaag Online)

Waxaa maanta xarunta golaha guurtida somaliland ee magaalada Hargaysa fadhi kuyeeshay xubnaha golaha guurida Maamulka Somaliland oo maanta fadhigooda  kaga doodayeen iscasilaadii uu dhawaan iscasilay gudoomiye kuxigeenka 1-aad golaha guurtida Somaliland Sh. Axmed Sh. Nuux waxaana fadhiga golaha guurtida markii uu bilaaya gudoomiyaha golaha guurtida Somaliland Mudane Saleebaan Maxamed Aadan uu golaha u sheegay in cod loo qaado iscasilaadii gudoomiye kuxigeenka 1-aadgolaha guurtida somaliland. oo isagu iscasilay.
 
Golaha Guurtida ay ka soo qayb 65 Mudane ayay 63 ka mid ahi ku diideen markii Goluhu cod u qaaday inay aqbalaan iyo inkale, cid ka aamustayna may jirin labada Guddoomiyena may Codaynin, sidaana waxa uu Sh Axmed Sh Nuux ku noqday inuu sii ahaado Guddoomiye ku xigeenkii kowaad ee Golaha Guurtida.

dhinaca kale waxaa golaha guurtida somaliland oo ah odayaal dhaqameedo mudooyinkii ugu danbeeyey ka dhex jiray khilaaf balaadhan oo u dhaxeeyaha xubaha golaha guurtida khilaafkaasi oo ku aadan gudi hoosaadka golaha guurtida oo dhawaan wax laga bedelay.

www.ceegaag.com

webmaster@ceegaag.com