Gudoomiye ku xigeenkii Komishanka maamulka la magac baxay Somaliland iyo xubno kale oo ku dhaawacmay Shil Baabuur habeenimadii Xalayto

  (Burco  13,  2010 Ceegaag Online)

Gudoomiye ku xigeenkii Komishanka Cali khadar Xasan Cusmaan

Waxaa Habeenimadii xalayto shil baabuur ku dhaawacmay Gudoomiyey kuxigeenkii Komishanka doorashooyinka maamulka lamagac baxay  Somaliland Cali khadar Xasan Cusmaan iyo masuuliyiin kale ayaa habeenimadii xalayto shil baabuur ku dhaawacmay iyagoo ku sii jeeda magaalada Burco oo lagu waday inay ka bilaabaan oloaha diiwaan galinta doorashooyinka Somaliland oo lagu wado in bartamaha bishan laga bilaamo guud ahaan Somaliland.
 
Dhamaan dadkii dhibku kasoo gaadhay shilkaa ayaa saaka lagu daawaynayaa Isbataalka guud ee magaalada Burco, waxaana  saraakiisha caafimaadka Cusbataalka magaalada Burco Ceegaag Online u sheegay in Gudoomiye kuxigeenka lagu wado Qaliin isaga iyo masuuliyiinta kale waxana shilkani oo ahaa mid siwayn looga naxay Guud ahaan Somaliland uu Yimid iyadoo doorashooyinkii madaxtooyada Somaliland lagu waday in laga bilaabo gobolada Maamulka Somaliland.
 
Dhinaca kale shilkani ayaa imaanaya iyadoo Maalintii shalayto masuuliyiin sare oo katirasan Xisbiga Mucaaradka UCID gaadhi kula Rogmaday duleedka magaalada Boorame xili ay ku jireen oloaha doorashada xisbigaasi dhaawacna ka soo gaadhay tiro kamid ah masuuliyiinta Xisbigaasi UCID.

Shilalkan ku dhacaya Masuuliyiinta sarsare ee Maamulka Somaliland ayaa lagu xidhiidhinayaa wadooyinka Gobolada waqooyi oo haystay deganaansho iyo xasilooni inaan la dayac tirin oo ay haatan noqdeen Gogol Geeriyaad dadku ku la'anayo, iyada oo aan badanaa saxaafada lagu sheesheegin dadka rayidka ah ee iyagu ku baaba'aya maalin walba.

www.ceegaag.com
 

webmaster@ceegaag.com