|
Maxkamada Magaalada Barbara
oo Xukuntay 11 Kamid ah buradbadeed soomaali ah oo Xeebaha
maamulka somaliland ka Qawlaysanayey.
(Berbera
Feb 15, 2010 Ceegaag Online)
Maxkamad
ku taala magaalada Berbera ee maamulka
Somaliland
ayaa 11 burcad badeed Soomaali ah oo maxkamadaasi la hor
keenay ku xukuntay in ka badan 15 sano oo xarig ah,iyadoona
sida uu garsoorka Maxkamada u sheegay wakaalada wararka ee
AFP ay heleen dhamaan cadaymihii dambiyadii Burcad
badeednimo ee lagu soo oogay kooxdaasi.
Xeer
ilaalinta Maxkamada Berbera ayaa sheegay in ay ka
heleen ciidamada bada NATO ee ku sugan xeebaha ku
hareeraysan Somalia cadaymo muujinaya Burcad badeedaas oo
afduubyo iyo falal weeraro Burcad badeednimo isku dayay in
ay geystaan,iyagoona sida ay xeer ilaalintu sheegtay ay
hayaan hub NATO kusoo wareejisay oo lagu qubtay Burcad
badeeda.
Burcad
badeeda 11 ayaa qaarkood waxaa ay yihiin kuwo ay ciidamada
NATO horay uqabteen iyaga oo isku dayaya falal Burcad
badeednimo,iyadoona sida uu garsoorka Maxkamada Osman
Ibrahim Dahir uu khadka taleefonka wakaalada wararka AFP u
sheegay ay 11 Burcda badeeda midkiiba ku xukumeen 15 sano oo
xarig ah.
11 Burcad
badeeda ah ee ay Maxkamada Berbera xukuntay ayaa sida la
sheegay ahaa Burcad badeed December-tii aynu soo dhaafnay si
khalad ah u weeraray Markab dagaal oo ay NATO leedahay,iyaga
oo ku khalday Maraakiibta ganacsiga ee ay had iyo jeer
weeraraan,waxaana ciidamadii Markabka dagaal ee ay weerareen
ay sii daayeen kadib saacado ah hayeen,waxaana isla xiligii
ay Burcad badeedaasi NATO sii daysay qabtay ciidamada
ilaalada xeebaha Somali land oo sheegay in ay kazoo qabteen
xeebaha waqooyiga Somali land ee ay Djibouti deriska kala
yihiin.
Burcad
badeeda qaarkood waa ay diideen falalkii lagu
xukumay,iyadoona ugu dambayn markii ay Maxkamadu cadaymo
fara badan heshay ay ku xukuntay 15 sano oo xariga ah
midkiiba,waxaana xukunka kadib loo dhaadhiciyay xabisga sida
uu AFP isagunu u sheegay sarkaal ka tirsan laanta Amaanka
Somali land Jamal Abdi Kariin.
Ma ahan
markii ugu horaysay oo Burcad badeed gudaha Somalia lagu
xukumo,iyadoona dhowr jeer oo hore sidan oo kale ay
Maxkamada magaalada boosaaso ay xabsiyo kala duwan ku
xukuntay kadib markii ay ciidamada NATO ee ku sugan xeebaha
Somalia ay laamaha amaanka Puntland kusoo wareejiyeen
www.ceegaag.com
webmaster@ceegaag.com |
