Roobabkii gu’ga oo xalay ka curtay deegaano ka mid Gobolka Cayn.

 (Buuhoodle,    Feb 28,  2010 Ceegaag Online)

Habeenimadii xalayto waxa deegaano kamid ah Gobolka Cayn ka curtay raxmaadkii gu,ga waxaana deegaanada roobabkaasi heleen xalay kamid ahaa magaalooyinka Xamar laguxidh, goob iyo horufadhi waxaaana roobabkani ahaayeen kuwa dadka iyo duunyaduba ku farxeen oo xalay maansheeyey deegaanadaasi inkastoo degmada hurufadhi roobabku aad ugu yaraan.

Shabakada Wararka Ceegaag Online ayaa saaka taleefoonka kula xidhiidhay magaalooyinka  roobabkani heleen waxaana dadka deegaanku u sheegeen in raxmaadkaasi ilaahay xalay ugu deeqay aad ugu faraxsan yihiin ilaahayna uga mahad celinayaan. guud ahaanba Curashada raxmaadka gu,ga ayaa laga  dareemayaa magaalooyinka SSC Waxaana guud ahaan cusub cirka iyadoo ay dulsaarantahay daruuro waa wayn oo la filan karo in roobab kale ka curtaan deegaanada SSC.

Sidoo kale magaalooyinka burco iyo shiikh ayaa laga soo sheegayaa Raxmaadkii gu,ga waxaana Curashada raxmaadka siwayn ugu farxay dhamaan shacabka ku dhaqan magaalooyinkaas oo xiliga deegaao badan ka jiraan abaar iyo biyo la,aan baahsan oo saamayn ku yeelatay noloshada xoolaha iyo dadkaba waxaana gabi ahaanba dhamaaday xoolo farabadan oo abaarta u dhintay.

Cali Dhegjar

Buuhoodle
 

webmaster@ceegaag.com