Warshadii labaad ee Hilibka oo Magaalada Burco laga hirgaliyey .

(Burco,  January  21,  2010 Ceegaag Online)

Magaalada Burco ee xarunta gobolka Togdheer ayaa lagu Qaytay munaasabad balaaddhan oo lagu dhagax dhigayo warshad loogu talagalay qaliinka hilibka iyo dhoofinta xoolaha, Munaasabada Xafladaasi ayaa waxa ka soo qayb galay masuuliyiin ka socota maamulka Somaliland iyo ganacsatada maali galinaysa mashruucan warshada cusub ee laga hir galinayo magaalada Burco iyadoo dhaqaalaha ay iska kaashandoonaan ganacsto ka soo jeeda Dalka Malaysia.

Wasiirka Warshadaha  maamulka Somaliland Axmed Cali Ubaxle,  oo ka hadlay xafladaasi ayaa sheegay in talaabadani  tahay  dhiirigalin wayn iyo saylad cusub oo u furantay xoolaha geeska afrika gaar ahaan kuwa Somaliland.

Axmed Cali ubaxle Wasiirka Warshadaha  maamulka Somaliland  ayaa sidoo kale carabka ku dhuftay in maamul ahaan ay markasta soo dhaweynayaan qoflkaste oo maalgashi ka samaynaya, wixii qalab warshadeed ah loogu samayn doona, cashuur dhaaf.

Warshadaasi ayaa loogu talay galay Qaliinka xoolaha Soomaaliyeed sida geela adhiga, Lo’da iyadoo maalintii warshadani soo saaraysaa xoolo gaadhaya 1500 oo neef oo isugu jira dhamaan noocyada xoolaha waxa ay arintaasi siwayn u soo dhaweeyay guud ahaan ganacsatada magaalada burco iyo dadwaynaha caadiga ahba oo ku tilmaayay inay tahay horurmar la taaban karo oo laga gaadhay dhinaca warshadaha soo saaraya hilibka.

Dhinaca kale magaalada burco ayaa waxaa horay looga hirgaliyey warshad tan lamid ah oo soo saaraysa hilibka waxaana magaaladaasi horay sidoo kale ka jiray warshado yar yar oo soo saaraya saamuunta iyo sharaabka noocyadiisa kala duwan.

Cali Osman Yuusuf (Cali Dhagjar)

calidhagjar@hotmail.com

Buuhoodle

webmaster@ceegaag.com