Issimadii ka qeybgalay Shirkii Nairobi oo kusoo guryo noqday Puntland oo aanu ka wareysanay Wasiirka Kaluumeysiga.

(Boosaaso,  January  05,  2010 Ceegaag Online)

Wasiirka Kalluumeysiga Puntland  Maxamed Faarax Aadan Dhageyso

Waxaa Maanta Magaalada Boosaaso ee Xarunta gobolka Bari kusoo guryo noqday Qaar kamid ah Issimadii ka qeybgalay Shirkii Nairobi Waxaana waftiga isimada ku soo dhaweeyey garoonka diyaaradaha ee magaalada Boosaaso Wasiiro, Xildhibaano Ganacsato iyo dadwayne aad u farabadan waxaana Isimada saxaafada kula hadleen garoonka diyaaradaha ee magaalada boosaaso.
 
Isimada ayaana markii danbe loo galibiyey madaxtooyada magaalada Boosaaso waxaana halkaasi ku Qaabilay Madaxwayne kuxigeenka Dawlada Puntland Gen. C/samad Cali Shire, Hadaba Shabakada Ceegaag Online ayaa Socdaalka Isimada Maanta ka waraysatay Wasiirka Kalluumaysiga Puntland Dr. Maxamed Faarax Aadan Waxaana wasiirku nooga waramay shirkii saxaafada ay ismada u Qabteen iyo waxyaabihii ay kuwada hadleen madaxwayne kuxigeenka Puntland.
 
Sidoo kale Wasiirka ayaanu ka Waraysanay shirka dhawaan lagu Wado in Isimada SSC kuyeeshaan deegaanka Holhol iyo mowqifka Maamul Goboleedka Puntland ee shirkaasi ku aadan, sidoo kale wasiirka ayaa ka hadlay haysatshada maamulka Somaliland ee Xarunta SSC ee Laascaanood waxaana ugu baaqay in maamulkaasi ay si deg deg ah uga baxaan.
 
Dhinaca kale Wararka hada ku Soo dhacay Warqabadka Ceegaag Online ayaa sheegay in magaalada Boosaaso ee Caasimada ganacsiga Puntland Caawa lagu dilay mudane katirsan Barlamaanka Maamul Goboleedka Puntland.
 
Xildhibaanka la dilay ayaa lugu magacaabi jiray C/laahi Cali Cismaan  ayaa dilkiisa Caawa Siwayn looga naxay guud ahaan Magaalada Boosaaso waxaa hada ka soconaya Boosaaso  baadhitaan xoogan oo ay wadaan laamaha amaanka ee Puntland walina ma jirto cid si rasmi ah loogu Qabtay.
 
Cali dhagjar
Ceegaag Online
Buuhoodle

webmaster@ceegaag.com