|
Wafti kasoo kicitimay
Imaaraadka iyo Sacuudiga oo booqasho ku yimid Degmada
Ceegaag.
(Ceegaag,
January 10, 2010 Ceegaag Online)
Waxaa Degmada
Ceegaag Soo Gaadhay Wafti balaadhan oo kamid ah Qurba Joogta
degmada Ceegaag waxaana waftigani ka soo kicitameen Wadamada
Sacuudiga iyo Imaaraaradka,wafigan ayaa waxaa hogaaminayay
Eng. Axmed Hassan Cumar (Axmed Jeesaani) waxaana Kamid ah.
Khadar Hassan
Cumar
Faarax Hassan Cumar
Eng. Axmed Hassan Cumar
Maxamed C/laahi Hassan
Waftiga ayaa
si heer sare ah loogu soo dhaweeyay Magaalada Ceegaag
waxayna kulamo layeesheen dadweynaha iyo waxgaradka Degmada
Ceegaag, kadib waxaa Xarunta dugsiga labaad ee hoose dhexe
ee degmada ceegaag ka dhacay shir balaadhan oo ay ka soo
Qayb galeen dhamaan Waftigadii ka kala socday Qurba jooga
Reer Ceegaag iyo Dadweynaha iyo Waxgaradka Ceegaag.
Shirkaasi
ayaa ugu horayn Waxaa lagu furay Aayadaha Quraanka Kariimka
ah iyo Wacdi Waxaana kadib halkaasi ka hadlay Eng. Axmed
Jeesaani oo u hadlay Qurba jooga Reer Ceegaag ee ka yimid
wadanka dibadiisa Waxaana uu Eng. Jeesaani uu Sheegay inuu
degmada ceegaag u yimid inuu ogaado horumarka ka soconaya
dhinacyada Waxbarashada iyo Caafimaadka.
Eng. Jeesaani
Waxaa kaloo uu sheegay inuu u yimid Ceegaag inay Isbartaan
dadweynaha ku nool Degmada Ceegaag oo ay kala maqnaayeen
mudo badan ayna ka Qayb Qaadanayaan horumarka ka soconaya
degmada Ceegaag, Waxaana uu madasha Shirka ka Balan Qaaday
inuu Ceelkii biyaha Riigana dhawaan ka bilaabidoono degmada
Ceegaag isagoo kala kaashandoono Qurba joogata kale ee Reer
Ceegaag.
Waxaana halkaasi Sidoo kale ka hadlay Waxgaradka iyo
Mas’uuliyiinka Degmada Ceegaag iyagoo wafigaa u balanqaaday
inay kala shaqeyndoonaan wixii horumar ah ee ay kusoo
kordhiyaan Degmada Ceegaag waxay kaloo balan qaadeen in ay
sugayaan guud ahaan nabadgalyada iyo xasiloonida Deegaanka.
Daawo Sawiradda
       
Cali dhagjar
Ceegaag
webmaster@ceegaag.com |
