Madaxwayne kuxigeenka Puntland Gen. C/samad Cali Shire  oo Casuumay Isimadii soo guryo noqday.

(Boosaaso,  January  07,  2010 Ceegaag Online)

Madaxwayne kuxigeenka Puntland Gen. C/samad Cali Shire ayaa maanta Aqalka Madaxtooyada Maamul Goboleedka  Puntland ee Magaalada Boosaaso Qado sharaf ugu sameeyey Isimo reer Puntland oo kala ah Garaad Cali Buraale iyo Garaad Abshir Saalax oo maalintii shalay ka soo degay garoonka diyaaradaha Banderqaasim oo ah xarunta ganacsiga Puntland.

Madaxweyne k/xigeenka  oo kulankaas ka hadlay ayaa sheegay in uu si weyn ugu faraxsan yahay wado fadhigaan xushmada leh ee ay wada qaateen isimada reer puntland  ee soo guryo noqday taas oo qeyb ka ah soo dhoweyntii shalay loo sameeyey isimadaas Garaadada oo u mahad celiyey madaxweyne ku xigeenka iyo xukumada Puntland ayaa ugu baaqay in Puntland soo celiso gobolka Sool isla markaana  waa sida hadalka u dhigeene dadka labo aflaawayaasha laga digtoonaado.
 
Ceegaag Online ayaa Qado sharaftaasi kadib taleefoonka magaalada Boosaaso si khaas ah ugu la Xidhiidhay Madaxwayne kuxigeenka Puntland Waxaana uu sheegay Ceegaag Online inuu aad ugu faraxsan yahay imaanshiiyaha Isimada iyo dib ugu soo laabashada dalka waxaana uu intaasi Raaciyey inay ka Wada shaqaynayaa danta Guud hadana dawlada Puntland diyaar utahay soo dhawaynta Isimada iyo Cidkasbana oo jecel horumarka Shacabka SSC.

Daawo Sawiradda

Cali dhagjar
Ceegaag Online
Buuhoodle

webmaster@ceegaag.com