Qarax lala beegsaday gudoomiyaha gobolka Sool iyo wasiiro ka socda somaliland oo Laascaanood gaadhay.

(Laascaanood,  January  28,  2010 Ceegaag Online)

Wariye Axmed Cali Faarax Dhageyso

Gudoomiyaha gobalka Sool ee Maamulka Somaliland Faarax Askar Xuseen ayaa maanta duhurnimadii Qarax lagula beegsaday magaalada laascaanood ee xarunta gobolkaasi Sool, Qaraxan ayaa maanta ka dhacay barxada hore ee gurigiisa xili uu ka soo rawaxay shaqadii xafiiska gobolka sool.
 
Qaraxaasi ayaa waxa uu dhaawac  ka soo gaadhay gudoomiyaha gobolka sool Faarax Askar Xuseen waxaana sidoo kale ku dhintay mid ka mid ah ilaalada Gudoomiyaha, Qaraxaasi ayaa sidoo kale waxaa dhaawac culusi ka soo gaadhay haweenay ka agdhawayd goobtii uu maanta Qaraxu ka dhacay waxaana lagu sheegay tirada dadka dhaawacmay ugu yaraan 5 Ruux uu ku jiro gudoomiyihii gobolka sool.
 
Hadaba Qaraxaasi oo ahaa mid wayn waxaa tagay goobtii Qaraxu uu ka dhacay wariyey axmed cali faarax oo isagu soo arkay goobtii Qaraxu ka dhacay iyo waliba gaadhii lala beegsaday Qarax miino oo la dhigay albaabka hore ee guriga gudoomiyaha gobolka sool.

Dhinaca kale wasiiro ka socda Maamulka Somaliland oo ay kamid yihiin Wasiirka Arimaha Gudaha Iyo wasiirka Gaashaandhiga ayaa maanta gaadhay magaalada laascaanood waxaana wasiiradaasi sida wararka aanu ku helay maanta kulan dheer kula Qaateen Hotel xamdi wasiiro ka socday Somaliland oo horay magaaladaasi u joogay lama oga waxyaabaha wasiirada Somaliland ee laascaanood ku sugani ka wada hadlayaan.

Cali Dhagjar

Buuhoodle

 

webmaster@ceegaag.com