|
Cismaan Macalin Faarax (Suxufi)
oo Caawa Kooxo hubaysani Laascaaod ku Dileen.
(Laascaanod,
January 15, 2010 Ceegaag Online)
Wararka hada
naga soo gaadhay magaalada Laascaanood ayaa sheegaya in
Caawa fiidkii magaaladasi lagu dilay Cismaan Macalin Faarax
(Suxufi) oo ahaa nin siwayn looga yaqaanay magaalada
Laascaanood hadaba shabakada Ceegaag Online oo Daqiiqado ka
hor la Xidhiidhay magaalada laascaanood ayaa goob joogayaal
kusugan magaaladaasi u xaqjjiyeen dilka ALLE ha u
naxariistee Cismaan Macalim Faarax (Suxufi).
Marxuunkani ayaa Caawa lagu dilay agagaarka gurigiisa Xili
uu ka Soo baxay Masaajidka Nuur oo kamid ah Masaajidada
magaalada Laascaanood isagoo kusoo tukaday salaadii Cishe
ee Caawa tafsiirkana ku soo gadhaystay.
Lama oga ilaa iyo hada sababaha keenay dilka marxuun Cismaan
macalin faarax (suxufi) iyo Cida ka danbaysa dilka markuunka
sidoo kale guud ahaan waxaa istaagay dhaq dhaqaaqa magaalada
Laascaaanood iyadoon Wali la ogayn cida dishay waxaana socda
baadhitaan xoogan oo ay wadaa Ciidamada halkaasi ku sugan.
Cismaan ayaa ka mid ahaa
saraakiishii qaranka Soomaaliya, iyada oo cidii ay ku
cadaato dilka Marxuumkan cadaalada la hor gayndoono looguna
tagi doono meelkasta oo ay joogaan dalka gudihiisa iyo
dibadsiisaba.
Dilka warkan oo
faahfaahsan kala soco Ceegaag Online.
Dhamaan
Qoyska Reer Xaaji Cali Cilmi, gudo iyo dibadba waxay tacsi
gaarsiinayaan dhamaan
Reer
Macalin Faarax
meelkasta ay
joogaan anagoo uga tacsiyeyneyna dilka waxashnimada leh ee
loo geystay ALLE ha u naxariistee Suxufi
Macalin Faarax
waxaan
ilaahay uga baryanaa Marxuumka inuu janadii fardawsa ka
waraabiyo inagana samir iyo iimaan inaga wadasiiyo. Aamiin
www.ceegaag.com
webmaster@ceegaag.com |
