Gudoomiyihii ururka isku xirka ardayda soomaaliyeed C/llaahi Mahdi ( Sayidka ) oo koox hubaysani Boosaaso ku dileen

(Boosaaso,  January  31,  2010 Ceegaag Online)

Allaha u naxariistee waxaa habeenimadii Xalayto magaalada Boosaaso koox hubaysani oo wajiyayada soo duubtay ay ku dileen Gudoomiyihii ururka isku xirka ardayda soomaaliyeed C/llaahi Mahdi ( Sayidka ) oo si Wayn looga yiqiinay guud ahaan deegaamada Puntlan.
 
Ilaa iyo haatan lama xaqiijin cida dilka u geesatay gudoomiyaha SSCO Sayidka waxaana maanta markiiba dilkaasi Canbaareeyey Guud ahaanba Bulshada Qaybaheeda kala duwan oo kunool magaalada Boosaaso.
 
Marxuum C/laahi Mahdi Xasan ayaa waxaa uu ka mid ahaa dhalinyarada ama dadka sida weyn ugu heelan nabada una ololeeya isagoo ka qeyb qaatay qorshoyaal badan oo nabada lagu ololeynayay
 
Ugu danbayntii isbuucyo ka hor ayay ahayd kolkii loo magacaabay gudoomiyaha dalada Dhalinyarada Puntland magacaabistaas oo ka dhacday xarunta madaxtooyada puntland ee Magaalada boosaaso halkaasoo ay ka socotay kulan looga arinsanayay nabada puntland.
 
Amaanka Guud ee gobolada Puntland ayaa gabi ahaantiis faraha ka baxay waxaana fadhiid noqday laamaha amaanka puntland oo hada lagu dhalii layo amaandarada taala gudaha magaalooyinka puntland iyo Dilka Qorshaysan ee gobolada puntland ka dhacay iyo Qaraxyada lala eeganayo masuuliyiinta Puntland.

www.ceegaag.com

webmaster@ceegaag.com