Kulan looga hadlay Dilkii Marxuun(Suxufi) oo maanta Ceegaag ka dhacay, iyo marxuumka oo maanta lagu aasay Laascaanood.

(Ceegaag,  January  16,  2010 Ceegaag Online)

Kadib markii habeenimadii Xalayto magaalada Laascaanood ee Xarunta gobolka Sool kooxo hubaysani ay ku  Dileen Marxuun Cismaan Macalin Faarax (Suxufi) ayaa dhinaca kale waxaa dilkaasi kadib degmada Ceegaag Maanta ka dhacay Shir balaadhan oo ay soo Xaadireen dhamaan Cuqaayasha iyo waxgaradka degmada Ceegaag.
 
Kulankaasi ayaa maanta waxaa looga hadlayey Dilkii xalayto magaalada Laascaanood loogu gaystay  Alle ha u naxariistee Suxufi waxaana  dilkaasi lagu tilmaaday mid xaqdaro ah waxaana waxgaradku tacsi ugu direen dhamaan Qoyskii uu ka geeriyooday marxuun Cisman macalin faaraxa.
 
Qaarkamid ah cuqaasha degmada Ceegaag oo maanta la hadlay Ceegaag Online ayaa sheegay inay Dilkaasi canbaaraynayaan cidii gaystay oo aan wali la garanahayn waxaana lagu tilmaamay dil xaqdaro ah oo ka fog shareecada Islamka.
 
Dhinaca kale wararka naga soo gaadhay magaalada Laascaanood ayaa sheegay in Maanta la aasay  marxuunkii xalay magaaladaasi lagu dilay waxana aaskiisa ka soo qayb galay dhamaan bulshada reer Laascaanood oo ay ugu horeeyaan Culumada diinta waxgaradka, ganacsatada haweenka dhaliyada iyo Qaybaha kale duwan ee Bulshada magaalada Laascaanod.
 
Ceegaag Online oo si toos ah ula Xidhiidhay Qoyskii iyo Qaraabadii uu ka Geeriyooday marxuun Cismaan Macalin Faarax ayaa u sheegay inaanay jirin wali cid loo Qaybtay dilkiisa loona tuhunsan yahay waxaana socda baadhitaan xoogan oo ay Wadaan ciidamada amaanka ee iyagu magaaladaas gacanta ku haya.
 
www.ceegaag.com

webmaster@ceegaag.com