Qarax weyn oo gilgilay saldhiga daami ee Magaalada Laascaanod.

(Laascaanod,  January  12,  2010 Ceegaag Online)

War hada Naga soo gaadhaya magaalada Laascaanood ee xarunta gobolka Sool ayaa sheegaya inuu caawa Qarax aad u weyn ka dhacay, Qaraxaasi oo siwayn looga maqlay guud ahaanba magaalada Laascaanood
 
Qaraxaasi ayaa Caawa ka dhacay dhinaca Koonfureed ee magaalada waxaana lala beegsaday Saldhiga Daami oo dhinacaasi kuyaala, goob jooge kusugan Magaalada Laascaanood ayaa caawa u sheegay Ceegaag Onilne in nooca Qaraxu ahaa weerar loo adeegsaday Bambaano Gacmeed lagu weeraray Saldhiga Daami oo la Doonayey in lagu khaarajiyo Ciidamada Maamulka Somaliland ah oo halkaasi ku sugnaa.
 
Khaasaraha Qaraxaasi ayaa lagu sheegay hal ruux oo dhaawac ah mana jiraan warar faah faahsan iyadoo magaaladu ay hada ku jirto goor food ah waxaana ilaa hada soo baxay warar kala is gadisan lama ogaan karo khaaraha dhabta ah iyadoo goobtii uu ka dhacay Qaraxu ay gaadheen ciidamo badan oo ah Booliska Maamulka Somaliland ah kuwaasi oo xidhay wadooyinka galay saldhiga iyo kuwa ka baxa, magaalada ayaa hada lagu soo rogay bandoow taasi oo xayirtay isu socodkii shacabka ku nool Magaalada Laascaanod.
 
kala soco wararkaasi oo faah faahsan Ceegaag Online.

www.ceegaag.com
 

webmaster@ceegaag.com