Faaf faahin ka soo baxaysa Qaraxii saldhiga daami ka dhacay iyo dad fara badan oo loo Qabtay.

(Laascaanod,  January  13,  2010 Ceegaag Online)

Khaasaraha Qaraxii saldhiga daami ee koonfurta magaalada laascaanood ayaa maanta soo shaac baxay waxaana Qaraxii xalay ka dhacay saldhigaasi ku dhaawacmay ku dhawaad 4 Ruux oo katirsnayaa Ciidamadii iyagu ku Sugnaa saldhiga daami xiliga uu Qaraxu dhacayey.

Ceegaag Online oo xiriir la samaysay  dadwaynaha ku dhaqan gobolka Sool gaar ahaan magaalada Laascaanod iyo waliba weriyaasha magaaladaasi ka howl galay oo diiday in magacooda saxaafada lagu shaaciyo ayaa sheegay in Qaraxii xalayto ay ku dhaawacmeen Askartii ku sugnaa saldhiga oo qaarkood loo qaaday magaalada burco kadib markii caafimaadkooda laga soo dayriyey oo ay cuslaayeen,waxaana sidoo kale Cusbataalka laascaanood la dhigay labo kamid ah dadkaasi oo mid ay haweenay ahayd ka agdhawayd Saldhiga daami xiligii lagu weeraray qaraxa bambaano ah oo siwayn looga maqlayey guud ahaan magaalada laascaanood.

Qaraxaasi ayaa markii uu xalay gudaha magaalada ka dhacay waxaa markiiba lagu soo rogay bandow waxaana la xidhay dad farabadan oo ka agdhawaa saldhiga daami oo looga shakiyey inay Qaraxa ku lug lahaayeen Xabsiga magaalada laascaanoodna la dhigay.

Qaraxani ayaa ku soo beegmaya iyadoo mudooyinkii ugu dambeeyey magaalada laascaanood ay ka dhaceen Qaraxyo is dabajooga kuwaasi oo dad farabadani ay ku dhaawacmeen laguna dilay saraakiil kamid ah ciidanka Somaliland ee iyagu gacanta ku haya Magaalada Laascaanod.

www.ceegaag.com
 

webmaster@ceegaag.com