Shir uga socda Puntland iyo Galmudug Magaalada Gaalkacyo.

(Gaalkacyo,  January  24,  2010 Ceegaag Online)

Magaaladda Gaalkacyo ee Xarunta Gobolka Mudug ayaa waxaa shir laba geesood ah uga Socdaa Maamuladda Puntland iyo Galmudug si loo soo afjaro Mashaqadi halkaasi ka taagnayd Bilihi ugu Dambeeyay,Shirka waxaa Puntland uga Qaybgalaya Gudoomiyaha Gobolka Mudug ee Dhinaca Waqooyi Axmed cali salaad,Gudoomiyaha Waqooyiga Gaalkacyo C/raxmaan iyo Xildhibaano,Dhinaca Galmudug waxaa Shirka uga Qaybgalay Madaxweyne Caalin,Wasiirka Macdanta iyo Biyaha Dowladda KMG ah Cabdiqaybdiid iyo Xildhibaano ka soo jeeda Beesha Sacad oo ku jira DKMG ah ee Soomaaliya.

Shirka ayaa Maalintii Saddexaad ka socda Garoonka Diyaaradaha ee Magaaladda Gaalkacyo waxaana lagu soo bandhigayaa Khaladaadyo ay kala tirsanayaan Labadda Dhinac kaasi oo u dhexeeya Labadda Beelood ee Waqooyiga iyo Koonfurta,Shirka waxaa soo abaabulay Cabdiqaybdiid oo isagu ah Ruugcadaa siyaasadeed oo Matalaya Beesha Koonfurta Gaalkacyo iyadoona ay aqbaleen Dhinaca Maamulka Puntland.
 
Labadi Maalmood ee Shirku ka socday Garoonka Diyaaradaha ee Gaalkacyo waxaa Labadda Dhinac soo bandhigeen Qodobo ay u arkayeen inay waxtar u yihiin Dhayida Boogta taal Gaalkacyo,Masuuliyiinta Galmudug iyo Jaaliyadda Dibadda ayaa ka garaabay Khaladaadki ka dhacay Beesha Koonfurta Gaalkacyo ee Gudaha.
 
Khilaafka Gaalkacyo:-
 
Sanadkii 1993 ayaa waxaa Heshiis aan cagobadan ku taagnayn ku saxiixday Magaaladda Gaalkacyo C/laahi Yuusuf Axmed oo Matalayay Waqooyiga iyo Maxamed Faarax Caydiid oo Matalayay Koonfurta,Heshiiskaasi wuxuu waxbadan ka taray in Magaaladda Nabad lagu deganaado hase ahaate Sanadihi ugu Dambeeyay ayaa waxaa soo ifbaxayay Khilaafki la xaliyay,27- November-2009 ee Sanadki tagay ayay ahayd Markii Dagaal lagu hoobtay uu Gaalkacyo ku dhexmaray Labadda Dhinac,Waxaa Dagaalkaasi ku dhintay 14 qof,51qofna way ku dhaawacmeen,Dagaalkaasi ayaa yimid ka gadaal Markii D/hoose ee Gaalkacyo Burburisay Suuq si sharci daro ah loo dhisay.
 
Dhacdadi Xigtay ayaa Dhacday 3-Bishii December-2009 waxayna Galaafatay Nolosha 20 qof halka ay ku dhaawacmeen 70 qof,ka dib Dhacdadaasi waxaa Qaylodhaan soo diray Masuuliyiin ka soo jeeda Koonfurta oo uu ka mid yahay Cabdiqaybdiid iyo Xuseen Caydiid oo aabihiis Saxiixay Heshiiska hadda Gaalkacyo lagu wada deganyahay.
 
Cabdi xasan Cawaale(Qaybdiid) ayaa Khadka Tellka kula soo xiriiray Madaxweynaha Puntland Faroole 27-Dec-2009 waxaana Faroole ka aqbalay in Dhinaca Puntland wada hadal Ogolyihiin,Shirkaasina waa kan Maanta hirgalay oo hadda ka soconaya Magaaladda Gaalkacyo.
 
Gaalkacyo waxay ku taala Bartamaha Soomaaliya waxayna Xudun u tahay Dhibaatadda ka soo foofta Koonfurta iyo Goboladda Bartamaha soomaaliya halkaasi oo ay ka jirto Siyaasad ku dhisan Dagaal,Isqabqabsi iyo Qabiil,Magaaladda Gaalkacyo way xasiloonayd 17sano ee ugu Dambeeyay waxaana haatan ka dhisan Dhismayaal aad quruxbadan oo aan dareemin Burburka Muqdisho iyo Goboladda Kale ee Koonfurta.
 
Si kastaba ha ahaate Waxaa la dhawrayaa in Nabad lagu wada noolaado Magaaladda Gaalkcayo haddi heshiiskaan hir galo.
 
Abdirashid Mohamed Dahir

webmaster@ceegaag.com