Taliyihii howl galinta CIDda ee gobolk sool oo baxsaday iyo gaadiid u socday Holhol oo maanta la siidaayey

(Laascaanood,  January  23,  2010 Ceegaag Online)

Wararka naga soo gaadhaya magaalada Laascaanood ayaa maanta ku soo waramaya in taliyihii howl galinta CIDda gobolka Sool iyo saraakiil kale oo ka soo jeeda maamulka Somaliland ay magaaladaasi ka baxsadeen sida ay maanta wararka rasimi ah oo lagu kalsoon yahay u xaqiijiyeen shabakada Ceegaag Online.
 
Ma cada sababaha keenay in sarkaal kani iyo saraakiil la socda magaaladaasi ka baxaan kana goostaan Ciidamada Somaliland ee ay ku jireen, arintani saraakiisha Somaliland ee magaalada Laascaanood ka baxsanaya ayaa imaanaysa xili wararka ka soo baxaya gobolkaasi ay sheegayaa in dilkii marxuun Cismaan Macalin Faarax lagu tuhmay saraakiil katirsan Somaliland inay dilkiisa lugwayni ku lahaayeen.
 
Sidoo kale guud ahaanba amaanka guud ee magaalada Laascaanood ayaa mudooyinkii ugu danbeeyey aad looga soo darinayaa waxna magaalada haatan saaran bandow xiliga habeenkii ah lagu soo rogay badaowgaasi oo saamayn ku yeeshay ganacsiga iyo dhaq dhaqaaqa caadiga ahba.
 
Dhinaca kale ciidamada Somaliland ayaa maanta fasaxay gaadiid agab iyo waxyaabo kala u siday shirka Holhol oo xabsiga magaaladaasi lagu hayey maantana la siidaayey sida Ceegaag Online u xaqii jiyeen qaarkamid ah shacanka magaaladaasi waxna gaadiidkaasi ay maantaba gaadheen deegaanka Holhol oo lagu wado inay shirku yeeshaan Isimada SSC.
 
Cali dhagjar
Buuhoodle
calidhagjar@hotmail.com

webmaster@ceegaag.com