Walxaha Qarxa oo saaka lagu arkay labo xaafadood oo kamid ah magaalada Laascaanood.

(Laascaanood,  January  26,  2010 Ceegaag Online)

Wararka maanta naga soo gaadhaya magaalada Laascaanood ayaa sheegaya in magaaladaasi saaka  labo xaafadood oo kamid ah lagu arkay waxyaabaha qarxa, sida ay Ceegaag Online u xaqiijiyeen goobjoogayaal kusugan isla magaaladaasi, iyadoo  dadkii deganaa xaafadahaasi  ku waabariisteen mucjisadan aysan waligood arkin, dadka ayaa waxaa isugu yeedhay ciidamada booliska magaalada laascaanood ee maamulka Somaliland kadibna halkaasi maanta duhurnimadii kaga Qayb qaatay ilaalo xoogan oo laga ilaalinayo inay shacabka iyo dadka rayidka ahba ku dhawaadaan.

Lama oga ilaa iyo hada cida Qaraxyadaasi dhigtay xaafadaha kamid ah magaalada laascaanood waxaana socda baadhitaan xoogan oo ay wadaan Ciidamada amaanka magaalada laascaanood, mana jiro cid ilaa iyo iminka loo qabtay qaraxyadan iyo dilalka qorshaysan ee magaaladaasi ku soo badanaya waxna sii xumaana amaanka magaalada laascaanood.

Walxani Qarxa ee maanta lagu arkay xaafado kamid ah magaalada laascaanood ayaa ku soo beegmaya xili maalntii shalayto magaalada laascaanood uu ka dhacay Qarax sababay dhimasho iyo dhaawac oo aanay ilaa iminka jirin cid loo qabtay qaraxyadaasi.

Dhinaca kale dadka ku dhaqan Magaalada laascaanod ayaa sheegay in magaalada ama guud ahaan Gobolka Sool uu hada kujiro xaalad ka daran ta Magaalada Muqdisho ee caasimada Somalia.

www.ceegaag.com

webmaster@ceegaag.com