Dowladda Ingiriiska oo ku guuldaraysatay Badbaadinta Lamaane Britishka ah.

(Xaradheere,  January  2,  2010 Ceegaag Online)

Ciidamo si gaar ah u Tababaran oo British ah ayaa isku dayay inay soo Badbaadiyaan Lamaane British ah oo kooxo Burcad badeed ah ku haystaan Xeebta Degmadda xarardheere oo Saldhig hadda u ah Shuftadda Badda,Laanta warbaahinta Britishka ayaa Maalinti shalay ahayd sheegtay in Dooni Gaar ah oo Ciidamo Kamandoos ah saaranyihiin loo diray Halka ay Burcad badeedu ku haystaan Lamaanaha Britishka ah Paul iyo Rachel chandler.

Ugu dambayntii Doonida Britishka ah ayaa soo gaartay Meel u dhaw halka ay Burcadu ku haystaan Muwaadiniinta Britishka ah,hase ahaate Cilad farsamo oo ku timid doonta ayaa keentay inay dib u soo noqoto, Doonidan Ciidan ee la doonayay in lagu soo badbaadiyo Paul iyo Rachel Chandler ayaa haatan la joogta Markab ay leeyihiin Ciidamadda Britishka ah ee ku sugan Xeebaha Badweynta Hindiya.

Lamaanahan Britishka ah ayaa kooxo Burcad badeed ah ka afduubeen Badweynta Hindiya 23-October-2009 iyagoo wata Dooni dalxiis kuna sii jeeday Dalka Tanzania,Burcad badeeda ayaa isla wakhtigaasi Dalbaday Lacag madaxfurasho ah inkastoo Dowladda Britain ay dhegaha ka furaysatay Dalabka Burcad badeeda Soomaalida ah.

Labadi sano ee ugu Dambeeyay xeebaha Soomaaliya waxaa ka dhacayay Weeraro isdabajoog ah oo ay Qaadayeen Kooxaha Burcad badeeda Soomaalida,Taasina waxay keentay in Midawga yurub iyo Maraykanku Maraakiib dagaal u soo diraan Xeebaha Badda cas iyo Badweynta Hindiya oo dhaca halka ay Soomaaliya kaga Taalo Gobolka Geeska Africa.

www.ceegaag.com

webmaster@ceegaag.com